Pontecesures rende honores á Virxe do Carme

Os veciños de Pontecesures celebraron esta fin de semana as Festas do Carme, o primeiro gran evento do novo Goberno tripartito. Asuntos políticos fóra, o mal tempo desluciu as celebracións. O sábado 30, o primeiro día, a choiva obrigou a aprazar o concerto de rock previsto para a noite, cos grupos 96 Grados, Riff Raff e Coda. Barállase o vindeiro venres como data definitiva´. O domingo tampouco fixo día de praia, pero as nubes deron unha tregua e así foi que a multitude acudiu ó tradicional desfile valeiro, á misa cantada pola coral A Barcarola e á procesión que levou a música da Banda Cultural de Arcade.

Non faltaron os veciños, os políticos e unha representación da Escola Naval de Marín. Tamén estivo o máximo mando da Comandancia de Vilagarcía, Tomás Nodar.

A comitiva pasou pola Travesía da Bandeira, entre o paso de Portarraxoi e o lugar ó que se dirixe o desfile mariñeiro. ¿E por qué se chama así? Pois deu a pista definitiva un artigo publicado en 1956 no xornal La Noche, «Historia de una bandera, la regalada a los cesureños de La Habana a la LIga de Amigos del Carmen». Conta o relato que en 1912 apareceu na procesión un novo estandarte: unha magnífica bandeira branca cunha franxa azul. A bandeira fora traída a España polo presidente da Sociedad Hijos de Puentecesures en La Habana. Saía desde a entrada do Rial, recollida por un grupo de mariñeiros uniformados e, acompañada por unha banda de música, chegaba ata a igrexa parroquial logo de percorrer o peirao xunto coa imaxe da Virxe mentres os valeiros lle randían homenaxe disparando bombas de palenque.

DIARIO DE PONTEVEDRA, 04/07/07