Arturo Lores Santamaría cumpre un ano á fronte da parroquia.

Tomou posesión Arturo Lores o día 3 de setembro de 2006, e no día de hoxe, na misa de 12, foi obxecto dunha homenaxe «sorpresa» (ó cumprirse o primeiro ano á fronte da parroquia de San Xulián de Requeixo) por parte do Coro da Barcarola que interpretou unhas cancións no propio oficio relixioso, sumándose tamén o grupo cesureño «Xarandeira» cuios gaiteiros interpretaron varias pezas na cerimonia e unha vez ramatada ésta.

O párroco agradeceu na homilía o trato que lle dispensaron neste ano os feligreses e o pobo de Pontecesures, salientando tamén a axuda do seu antecesor Severino Potel e do sacristán Manuel Sanmarco «Nelo». Improvisou tamén Arturo Lores unha canción interpretada co acompañamento dunha guitarra española, recibindo o aplauso dos asistentes no propio templo.