A fachada do edificio onde caeu a loseta o pasado día 8 vai ser arranxada na súa totalidade.

A Comunidade de Propietarios do edificio San Luis (R/San Lois nº 26) ten previsto arranxar proximamente a fachada por razóns de seguridade e incluso estéticas. Lémbrase que o día 8 de setembro unha loseta alcanzou á veciña da Devesa, María Begoña Sueiro Ferreirós.
Por outra banda esta veciña afectada presentou a correspondente denuncia polos danos sofridos, debendo responder, no seu caso, a compañía aseguradora do edificio.