Pousa Antelo foi recoñecido co premio Ramón Piñeiro “Facer País”.

O premio Ramón Piñeiro Facer País foi outorgado na súa sétima edición a Avelino Pousa Antelo (A Baña, 1914), pola súa «entrega permanente ao país», informou nun comunicado a asociación Val de Láncara, entidade convocante do galardón. O premio ten como fin recoñecer o traballo dunha persoa ou entidade a favor de Galicia.
Corenta candidatos
Pousa Antelo foi elixido entre corenta candidatos ao galardón pola súa «entrega» e o seu traballo como «galeguista, docente, cooperativista agrario, escritor, político e animador cultural» a favor do país. Actualmente, Pousa Antelo é o presidente da Fundación Castelao. Neira Vilas, Isaac Díaz Pardo ou o grupo Milladoiro foron outros dos premiados anteriormente con este galardón.

LA VOZ DE GALICIA, 28/08/08