Rematada en Pontecesures a obra do PEIM 2008 executada en Toxa-Carreiras.

Hai uns días rematou a obra de ancheamento dunha pista que une os lugares de Toxa e Carreiras mediante un retranqueo de muros cunha extensión de 40 metros lineais, previa cesión de terreo por parte do propietario. En concreto a pista pasou dunha anchura de 2,50 ou 3 metros a 4 ou 4,50 metros. O importe da actuación, asumida integramente pola Consellería do Medio Rural, ascendeu a máis de 28.000 euros.

Ademáis destes 40 metros lineais, o concello afrontou o custo, do ancheamento doutros 40 na zona máis próxima a Carreiras, como demandaba a cidadanía. Agora queda no interior destos dous lugares unha pista acondicionada para o paso de vehículos sen os problemas que había antes.

Quere agradecer o concello aos propietarios a cesión dos terreos, asi como anunciar que no futuro están previstas máis actuacións de ancheamentos nos interiores das aldeas para garantir o paso de vehículos e peóns onde sexa posible.

Tamén dentro do PEIM 2008 de Medio Rural, está previsto, nos próximos días, pavimentar unha pista na Paxareira que une coa principal da aldea.

Pontecesures, 26 de decembro de 2008
Luis Ángel Sabariz Rolán
Concelleiro de relacións institucionais