David Meca fará o Camiño de Santiago a nado dende Vilagarcía ata Cesures

David Meca amosa o camiño que vai a facer a nado no acto de presentación do desafío.

O Campión do Mundo de Natación e experto en desafíos case imposibles, David Meca, presentou onte en Madrid o Reto Xacobeo 2010, que previsiblemente realizará o vindeiro martes 5 de xaneiro e durante o que se converterá no primeiro peregrino en realizar o Camiño de Santiago a Nado. Durante a rolda de prensa, David Meca, acompañado polo director-xerente da S.A. de Xestión do Plan Xacobeo, Ignacio Santos Cidrás, e o delegado da Xunta de Galicia en Madrid, José Ramón �?nega, explicou todos os detalles da que será unha travesía de grande espectacularidade e enorme simbolismo, xa que permitirá rememorar a Ruta Marítimo-Fluvial do Camiño de Santiago, percorrendo parte da Ría de Arousa e remontando o Río Ulla.

Vilagarcía de Arousa será o punto de partida desta emblemática fazaña dende onde percorrerá a Ría de Arousa, pasando por diversas poboacións de interese histórico-cultural e paraxes de gran beleza natural. Percorrendo o final da Ría e seguindo o Vía Crucis Marítimo Xacobeo, pasará polas Torres do Oeste en Catoira, para remontar o Río Ulla ata Pontecesures onde se marcará o final do reto. Ao día seguinte, como un peregrino de excepción, David Meca visitará a Catedral de Santiago de Compostela seguindo as tradicións orais e os textos medievais.

O novo desafío de Meca destaca polas súas duras condicións dominadas polas baixas temperaturas que rexistran as augas nesta época do ano (de entre 8 e 12 graos), as fortes correntes na zona, especialmente a corrente en contra ao remontar o río, así como a ondada e o vento que poderían complicar o desenrolo deste desafío.

Esta simbólica travesía conmemora a chegada a Galicia do corpo do Apóstolo Santiago o Maior, logo do seu martirio en Jerusalén, no ano 44. Os restos do Apóstolo entraron en Galicia pola Ría de Arousa e remontaron o Río Ulla. O texto máis coñecido que narra a �??Traslatio�?� do corpo apostólico dende Jaffa a Iria e dende alí ao seu lugar de enterramento, en Compostela.

DIARIO DE AROUSA, 03/01/10