A lancha de Alejandro Pesado captura a primeira lamprea do Ulla.

Nas nasas do valeiro Alejandro Pesado, levantáronse 13 lampreas. A primeira e cinco máis (as máis grandiñas) foron mercadas polo Restaurante Olivo de Pontecesures.
Tamén levantou as nasas máis tarde o valeiro Susiño Villamarín. Levantou 4 lampreas.
Así pois os dous únicos barcos que levantaron hoxe, capturaron 17 lampreas. Segundo os expertos, a campaña pode ser moi boa.
Houbo moitos medios de comunicación esta mañá no peirao co que se amosa o interese que está a ter a campaña de capturas deste preciado peixe do Ulla.