Contestación integra á nota do BNG sobre a Festa da Lamprea e a Feira do Automóbil de Ocasión 2010.

1. O BNG de Pontecesures coñece perfectamente que a festa da lamprea non ten data fixa e así celebrouse sempre na última quincena de marzo ou na primeira de abril en función de diversas circunstancias (non coincidir coa Pascoa que celebra o municipio veciño de Padrón, ou coa romaría cesureña de San Lázaro). Curiosamente na edición de 2007, última co alcalde anterior do BNG, Álvarez Angueira, a data foi o 15 de abril, practicamente a mesma que a deste ano.

2. O goberno local, vai tratar por todos os medios de que a lamprea sexa toda do Ulla e subministrada por valeiros de Pontecesures. Aínda rematando as capturas o día 15 de abril, coñecen os integrantes da oposición, e todos os veciños, que a lamprea consérvase viva polos valeiros en viveiros de auga doce sen prezuizo algún para o peixe e que vai distribuirse VIVA o 16 ou ou 17 de abril para ser servida en ración ou en pinchos na festa.

3. Ata o de agora non se mercou a lamprea a ningúen, e se están a facer xestións co presidente dos Valeiros de Pontecesures para adquirir o peixe a varios valeiros en función do prezo e do tamaño.

4. Contrasta esta forma de xestionar a adquisición do produto coa que levaba a cabo o alcalde anterior do BNG, Manuel Luis Alvarez Angueira, que mercaba toda a lamprea a proveedores foráneos alleos aos valeiros, incluso de Portugal.

5. Resulta triste que o BNG de Pontecesures xa comece a cuestionar unha festa un mes antes de celebrarse. En lugar de defender que se publicite e que se potencie o consumo dun peixe fundamental para a economía de moitas familias cesureñas, se adica a desprestixiar a festa na opinión pública. Sempre poñendo pegas, sempre con faladurías negativas sobre a festa. Todo vale para falar mal do evento.

6. Non quere este concelleiro entrar nas polémicas de sempre sobre a festa. Sempre apoiei este evento estando no goberno ou na oposición. Nunca me pasou pola cabeza sementar dúbidas sobre una festa tan importante para a imaxe de Pontecesures ante a opinión pública e para potenciar o consumo dun peixe tan exquisito e tan apreciado na gastronomía galega. Alá o BNG se pretende «augar a festa». O goberno local vai organizar os actos con toda a ilusión para que sexa un éxito.

7. En canto á Feira do Automóbil Antigo e de Ocasión, xe se explicou moitas veces que ámbolos dous eventos compleméntanse de marabilla, e que a feira dos automóbiles debe ser asumido polo concello como patrimonio de todos. Naturalmente, o goberno local é moi respectuoso con outras iniciativas. Parece que o BNG quere quedar ao marxe da feira municipal con acusacións ademáis a empresas e institucións. Pois nós ao noso; trataremos de contar coa mellor feira posible fuxindo de polémicas que non conducen a nada.

Luis Angel Sabariz Rolán
Concelleiro de relacións institucionais de Pontecesures.