Comezaron as obras de acondicionamento da praza de abastos de Pontecesures.

Por un importe total de 25.538,50 euros, dos que a Consellería de Economía e Industria subvenciona o 75 % comezou a obra na praza de abastos de Pontecesures co pintado das vigas do edificio.

Vaise renovar a instalación eléctrica, o pavimento e os postos de bancada con nova recollida de augas. Tamén vanse arranxar os canalóns do espazo gañado ao edificio da praza no pasado (onde se atopa o taller de zapatería) e vanse colocar ventás nos ocos da parte superior do edificio.

Posiblemente na semana que ven vai ser necesario instalar unha carpa provisional anexa ao edificio, xa que o novo pavimentado vai impedir a actividade comercial no recinto.