A retirada dos postes de San Lois, demórase un par de días.

O 23 de decembro comezou a obra previa á retirada dos postes de madeira e do cableado provisional de Gas Natural Fenosa na rúa San Lois (intersección coa rúa Carlos Maside). A retirada en sí estaba prevista para o día de hoxe, pero dende a oficina de Caldas de Reis da empresa Elecnor informan que por cuestións de transporte das columnas e dos cables, posponse o traballo para os vindeiros días, asegurando que nesta semana estará solucionado definitivamente este problema.