O programa de educación de adultos do Concello de Pontecesures recibe a subvención máxima por parte da Xunta de Galicia.

O DOG  do 16 de maio publicou a concesión por parte da Consellería de Cultura, Educación e Ordenación Universitaria da  subvención ao Proxecto de Formación de persoas adultas do Concello de Pontecesures, por un importe de 6.000�?�

O Concello continúa admitindo novas inscricións para a preparación dos exames da Proba Libre  que terá lugar a mediados de setembro.

Os cursos de Educación de persoas adultas que organiza o Concello de Pontecesures desde o ano 1995 contan cun elevado número de participantes e cun moi elevado índice de aprobados. A  avaliación do proxecto presentado polo Concello na actual convocatoria obtivo 87 puntos  -figurando no nº 13 das 51 propostas- o que lle outorga a subvención máxima establecida na  convocatoria, 6.000�?�.

Continúa aberto o prazo de inscrición do actual curso 2011/2012. Os alumnos e alumnas reciben  clases presenciais de preparación para a obtención do título oficial de Graduado en Secundaria mediante a convocatoria da Proba Libre que terá lugar o día 13 de setembro de 2012 (Os exames serán tipo test).

Poden incorporarse todas aquelas persoas, maiores de 18 anos, que queiran acceder á inserción laboral ou continuar estudos de bacharelato ou ciclo medio. O horario das clases é de luns a xoves de 18.30 a 21.30 h.

As clases para a obtención de Graduado en ESO realízanse en colaboración coa Dirección Xeral de Educación, Formación Profesional e Innovación Educativa, da Consellería de Cultura, Educación e Ordenación Universitaria.