Entraron a roubar na oficina de seguros “Victorio” de Pontecesures.

Sobre as catro desta pasada madrugada, dúas persoas, ao parecer encarapuchadas, forzaron a verxa e a porta desta oficina de seguros situada na rúa Otero Acevedo de Pontecesures. Foi avisada a Garda Civil que, logo da inspección ocular, instrúe dilixencias sobre o sustraído e os autores do roubo.

Chamou a atención este roubo ao tratarse dunha zona, a da rúa Otero Acevedo, bastante concorrida esta pasada madrugada pola celebración da primeira das verbenas do San Roque de Porto.