O Concello de Pontecesures gastou 12.211 �?� en 2014 por produtos de limpeza e pinturas mercados á mesma empresa.

No pasado mes de febreiro solicitouse no concello autorización para consultar os pagos realizados a unha determinada firma comercial relativos a subministros de produtos de limpeza e pintura para edificios municipais e vías públicas. Despois de mes e medio facilitáronse as cifras pero, a pesar de habelo solicitado tamén, negáronse a este concelleiro as copias das listaxes dos pagos realizados a ese proveedor e que saen da contabilidade municipal. En consecuencia, a primeira crítica ao goberno local é que se trata de entorpecer o labor deste concelleiro na súa función da fiscalización e control da xestión. Tiven que ir anotando a man os pagos un por un e iso resulta incomprensible nos tempos que vivimos.

Pois ben; este concelleiro considera excesivo o gasto realizado a un só proveedor por parte do noso pequeno concello perante 2014 polo subministro dos productos reflectidos. Nada menos que 12.211,24 euros foi a cifra pagada en total (21 facturas presentadas). Considera este concelleiro que é moito máis entendible, para unha maior transparencia, que se convoque un procedemento para contratar o subministro sucesivo deste tipo de materiais instando ofertas a varios proveedores (temos varios ademais na localidade), tanto en canto ao prezo como ás características dos produtos.

Hai poucos días o goberno local alababa a súa xestión en materia de gastos. Pois neste apartado de subministro de materiais de limpeza e de pinturas, a xestión é manifestamente mellorable.

Luis Ángel Sabariz Rolán
Concelleiro da ACP Pontecesures