Comezan as clases de gaita en Algueirada para o novo curso.

O venres 6 de outubro, ás 17 horas, comezan no Centro social as clases de gaita que serán impartidas polo monitor Juan Ordóñez. Nese primeiro día vaise falar da estrutura das clases e dos horarios concretos. Para os novos alumnos/as e durante un mes as clases serán de balde.

Por outra banda, seguen as actividades de pandeireta (os sábados de 12 a 14 horas no Centro Social) e de danza tradicional (os mércores a partir das 17 horas no ximnasio escolar). Para os novos alumnos/as as clases no primeiro mes tamén serán de balde.