Os veciños de Valga quedan exentos de pagar no punto limpo.

A Xunta de Goberno Local de Valga aprobou a semana pasada a revisión dos prezos públicos do punto limpo e da planta de residuos da construción do municipio. As modificacións nos prezos non afectan aos veciños de Valga, que seguen mantendo as mesmas condicións que ata o de agora para utilizar o servizo. Os cambios introducidos nas tarifas unicamente se refiren ás empresas e ás persoas empadroadas noutros municipios que queiran facer uso das instalacións. Nestes momentos, o punto limpo abre os martes pola mañá e os venres pola tarde. É unha situación provisional derivada dos problemas que afectan á empresa concesionaria, Soil Recovery, que se declarou en quebra e entrou en concurso de acreedores, segundo informa o Concello.

La Voz de Galicia