PONTECESURES REPARTIU HOXE MASCARILLAS PARA OS/AS MENORES DE 14 ANOS E SEUS PROXENITORES.

Posto que os menores de 14 anos van poder sair 1 h diaria á rúa e acompañados por algún proxenitor, persoal do Concello de Pontecesures procedeu esta mañá ó reparto de mais de 350 mascarillas infantís para todos/as os menores empadroados no concello.

Os nenos/as deberán de saír á rúa coas máximas garantias para non ter riscos de contaxio ou trasmisión. Por eso empregar luvas e mascarillas pode ser unha boa idea.

Ademais dunha mascarilla infantil reutilizable o sobre contiña un diploma personalizado de agradecemento polo esforzo realizado nestas semanas, e tamén 4 mascarillas para adultos, para que estes poidan acompañalos neses paseos diarios.

Sinalar tamén que moitas das cartas quedaron depositadas nos buzóns das casas onde están empadroados eses menores; e que calquera incidencia que ocorrese tras este reparto poderase chamar ó concello a partir deste próximo luns.

Por último dende aquí facemos un chamamento para que a poboacion siga adoptando todo tipo de medidas preventivas na loita contra o COVID-19. Non é hora de confiarse todavia.