Apuntamentos do BNG de Pontecesures sobre as restriccións COVID.

Agora que parece que empeza a imperar o senso común na aplicación das restricións, facer un par de apuntamentos.

A capacidade de xestión dun alcalde ou dun equipo de goberno queda patente en situacións como as que vivimos estos últimos días. Como é habitual nin o señor Seage nin ningún membro do seu equipo están nin se lle “espera”, pese ó feito de gozar os señores Seage e Cordo e a señora Villar das súas respectivas atribucións económicas; razón que debería incentivalos a traballar un pouquiño pola vila.

Pero o realmente importante. Agora que temos de novo liberdade de movemento fagamos as cousas ben, respetando os protocolos e normas COVID. Sigamos mercando no COMERCIO LOCAL; temos de todo na nosa vila, apoiemos ós nosos veciños que están facendo un gran esforzo por sacar adiante os seus negocios. Consumamos nos nosos bares e restaurantes, a hostelería é a gran perxudicada de esta situación e na nosa man está que Pontecesures tire para adiante.

BNG de Pontecesures