O parque “Vicente Moure” precisa unha actuación urxente.

Logo da poda das árbores, que era tan necesaria e que quedou moi ben, o parque situado a carón da Casa do Concello necesita unha remodelación urxente. A obra que tivo lugar hai anos coa colocación de caucho baixo o firme foi un completo fracaso denunciado por moitos e agora podemos apreciar o caucho amoreado ou espallado polo solo transmitindo unha imaxe de abandono. As papeleiras oxidadas e os bancos deteriorados tamén chaman a atención.