Publicaba o equipo de goberno, días atrás, que van a facer un curso de poda e “inxertos” para prantas ornamentais. Informámoslle a Sra. alcaldesa de que a parte práctica do curso pódea facer na rúa do Rial, a vexetación nas marxes da rúa está no tamaño óptimo para que os asistentes ao curso adquiran coñecementos ou perfeccionen a súa técnica.
Logo da poda das árbores, que era tan necesaria e que quedou moi ben, o parque situado a carón da Casa do Concello necesita unha remodelación urxente. A obra que tivo lugar hai anos coa colocación de caucho baixo o firme foi un completo fracaso denunciado por moitos e agora podemos apreciar o caucho amoreado ou espallado polo solo transmitindo unha imaxe de abandono. As papeleiras oxidadas e os bancos deteriorados tamén chaman a atención.
Coa poda de formación e mantemento no Miradoiro do Pino Manso poñemos, polo momento, remate ás melloras en este entorno tan emblemático do noso pobo. Como novidade incluíuse un panel interactivo adaptado a usuarios con diversidade funcional onde os visitantes e veciños teñen acceso a material gráfico e locucións en castelán, galego e inglés sobre a historia e lugares de Pontecesures.
Para iso, instalouse unha mesa panorámica tecnolóxica accesible no miradoiro onde o visitante pode interpretar, co seu Smartphone, os recursos naturais e patrimoniais máis destacados da contorna, a través de textos e elementos multimedia como fotografías, audios ou vídeos. O sistema permite ao visitante ademáis facer unha navegación dende o miradoiro ata ao recurso que lle interese, compartir información, ver os recursos sobre un mapa.
O Miradoido do Pino Mando douse de alta na rede de miradoiros iViewpoint, proxecto que conta co apoio do Ministerio de Cultura e que ten como obxectivo xeral a creación dunha rede de miradoiros tecnolóxicos musealizados, potenciando a súa promoción a través da Web e as redes sociais mediante experiencias interactivas e inmersivas.
O grupo municipal socialista ven de propoñer na comisión de seguimento municipal do COVID que, ante as dificultades que o alumnado poda ter para realizar as súas tarefas escolares, se leve a cabo un servizo gratuito de impresión e descarga de tarefas escolares. Engadiríase a entrega a domicilio, para evitar desprazamentos.
Dende a Alcaldía do Concello de Pontecesures infórmase:
Que se están producindo incidencias no vertido de residuos urbanos nos contedores de lixo debido a que non tódolos veciños/as están a utilizar correctamente o contedor que corresponde a cada tipo de residuo. Para solventar esta situación, pídese a toda a veciñanza que respete as seguintes indicacións:
Recollida de papel-cartón (CONTEDOR AZUL): Compre deixar os papeis e cartóns dentro do contedor pois se se molla non sirve para reciclar. Este contedor ten incorporado un mini-contedor para pilas.
Recollida de vidro (IGL? VERDE): Neste contedor deberán depositarse botellas e tarros de cristal, sempre sen tapóns.
Recollida de ??orgánico? (CONTEDOR PEQUENO VERDE): neste contedor irán exclusivamente os restos de comida tanto crus como cociñados, papeis de envolve-la comida, restos de poda e xardinería, barreduras da casa e cueiros dos nenos.
Recollida de ??inorgánico ou resto? (CONTEDOR GRANDE DE TAPA AMARELA): aquí irá o resto que non debe ir ó outro contedor específico, como plásticos, latas, tetrabriks, restos de louza, bombillas, textís, etc.
