O Bloque valgués convoca unha asemblea aberta para artellar unha lista na vila.

O vindeiro sábado, ás sete da tarde, no edificio da Plazuela de Ponte Valga o BNG celebrará unha asemblea que estará aberta á participación de todos aquelas persoas que queiran asistir, e que sintan «que poden aportar ou que queiran formar parte da construción do proxecto do BNG para Valga». Os nacionalistas consideran que o concello precisa un cambio de rumbo, «un cambio de raíz, un cambio de modelo de xestión», e que por iso queren poñer en marcha «un proxecto transformador para Valga que mellore a calidade de vida, sexa realmente democrático, igualitario e antipatriarcal que poña en valor o patrimonio e a natureza,,,». «No BNG de Valga, consideramos que hai bimbios suficientes para artellar unha candidatura que aborde con seriedade os retos do presente e do futuro de Valga» dí a formación nacionalista.

La Voz de Galicia