O BNG de Pontecesures explica as abstencións no pasado pleno.

𝗔𝗯𝘀𝘁𝗶𝘃é𝗺𝗼𝗻𝗼𝘀 (𝗾𝘂𝗲 𝗻𝗼𝗻 𝘃𝗼𝘁𝗮𝗺𝗼𝘀 𝗲𝗻 𝗰𝗼𝗻𝘁𝗿𝗮) na RECALIFICACIÓN, hai que chamar ás cousas polo seu nome, que o señor Seage e compañía lle concede a Nestlé por dous motivos. Chámanos a atención a facilidade que ten o señor Seage para facilitarlle a vida ás empresas e para complicarlla ós veciños; os expedientes van a velocidade da luz pero non vemos garantía de conservación de toda esa masa verde que se RECALIFICA A INDUSTRIAL, da que, por certo, se vostedes soubesen negociar, poderían desfrutar os veciños .

𝗔𝗯𝘀𝘁𝗶𝘃é𝗺𝗼𝗻𝗼𝘀 (𝗾𝘂𝗲 𝗻𝗼𝗻 𝘃𝗼𝘁𝗮𝗺𝗼𝘀 𝗲𝗻 𝗰𝗼𝗻𝘁𝗿𝗮) na declaración de interese turístico porque é PURO ELECTORALISMO. O señor Seage, vai a FITUR a promocionar a Festa da Lamprea de ARBO , mentres que en Cesures, o alcalde, Cordo, Villar e compañía devaluaron a Festa da Lamprea, cargándose sistematicamente todo o que se construirá arredor dela durante 25 anos, baleirandoa de contido. Os anos que máis se investiu na festa e que máis público houbo, señor Seage, foi co BNG, que de posar e de fotos non sabe moito pero de TRABALLAR e facer unha festa á altura do que a nosa vila merece, bastante máis que vostedes, que o único que fan é PANTOMINAS con cheiro a rancio.

A𝗯𝘀𝘁𝗶𝘃é𝗺𝗼𝗻𝗼𝘀 (𝗾𝘂𝗲 𝗻𝗼𝗻 𝘃𝗼𝘁𝗮𝗺𝗼𝘀 𝗲𝗻 𝗰𝗼𝗻𝘁𝗿𝗮) coa obra da Prazuela porque co actual proxecto van vostedes impedir a realización de calquera evento na mesma. O seu propio concelleiro de Obras, señor Cordo, dixo que «estaban estudando medidas para cando se aprobe o proxecto. Senón fora polo dano que fan a Cesures e ós cesureños, sería para rirse.

BNG Pontecesures