Os alumnos dos colexios rurais de Valga percorren un tramo do Camiño de Santiago.

Dende comezos da primavera e, sobre todo, a partir da Semana Santa o Caamiño Portugués que discorre por Valga, comeza a ofrecer imaxes mois semellantes ás dos dous últimos anos santos, con multitudes de peregrinos das máis diversas procedencias.

Entre esa transfega de persoas, houbo onte uns peregrinos especiais: o alumnado do CRA, que aproveitou o bo tempo para percorrer o tramo entre O Pino e San Miguel. Saíron dende o albergue e avanzaron por un dos tramos máis fermosos. Aproveitaron para ir recollendo o lixo que atopaban.

Os rapaces, das escolas de Vilarello, Forno, Ferreirós, Xanza, Chenlo e Campaña, asistiron a unha sesión de contacontos a cargo de Servando Barreiro, que rompeu unha lanza a prol da natureza, do coidado do medio ambiente e da vida saudable a través do espectáculo «As árbores do camiño».

Trala actuación, os alumnos continuaron a caminata pola ruta da zona de San Miguel, onde aproveitaron para selar as súas credenciais, e dirixíronse cara a Ponte Valga, onde gozaron de tempo libre no Parque Irmáns Dios Mosquera.

Diario de Pontevedra