O BNG de Pontecesures informa sobre as competencias dos seus representantes na corporación.

Hoxe tivo lugar o pleno de organización do Concello de Pontecesures, onde se configuraron tódolos aspectos organizativos, as áreas de goberno e distribución das mesmas. Os nosos concelleiros e concelleiras levarán: Maite Tocino, Alcaldesa e á fronte das concellerías de Cultura, Patrimonio e Turismo. Alberto Rivas, 2º Tenente Alcalde e á fronte das concellerías de Educación, Deportes e Mocidade. Jorge Janeiro, á fronte das concellerías de Obras e Urbanismo. Pilar García, á fronte das concellerías de Medio Ambiente e Igualdade.

Temos por diante unha lexislatura para traballar ben tódolos aspectos da vida municipal, atendendo as necesidades da veciñanza e dotando a esta vila dos servizos que precisa e merece.

BNG Pontecesures