A pasada foi unha longa semana para os equipos de piragüismo de Arousa. Ata tres probas tiveron en axenda entre o xoves e o domingo.
A primeira das citas celebrouse o 1 de maio na localidade ourensá de Muíños. Alí desputouse a primeira regata do Gran Premio de Ríos e Travesías de Galicia, con victoria das Torres. O equipo catoirense sumou 302 puntos, polos 278 do Kayak Tudense, segundo, os 212 do Náutico Firrete, terceiro, e os 2002 do Piragüismo A Illa, cuarto. O Náutico O Muíño foi noveno con 98 puntos, e o Náutico Pontecesures décimo con 86. O Piragüismo Cambados e o Liceo Casino completaron a representación arousá cun decimoquinto e un decimosétimo postos. As Torres (10), Piragüismo A Illa (6), O Muíño (3) e Pontecesures (1) acumularon 20 podios, con media ducia de trunfos individuais.
O sábado, en Aldán (Cangas), As Torres voltou a subirse ao podio por equipos. Neste caso, no terceiro chanzo da segunda regata do Gran Premio de Promoción. O club do Baixo Ulla sumou 3.102 puntos, polos 3.883 do Náutico Firrete e os 3.285 do Rodeira. O Illa de Arousa foi quinto con 2.687, o Breogán sexto con 2.663, e o Pontecesures undécimo con 1.014.
LA VOZ DE GALICIA, 06/04/08