Educación

As alumnas están a traballar cos elementos básicos dos computadores.

Las instalacións do Auditorio Municipal de Cordeiro ofrecen distintas actividades, entre elas, a Escola de Música Municipal, actividades de reforzo escolar, á Coral Polifónica Santa Comba, o Centro de día e a Aula Aberta de Informática.
Por este último servizo do local pasa xente de todas as idades, dende os nenos máis cativos do CRA pasando polos escolares dos centros de primaria e tamén os veciños de máis idade do municipio, xa que nunca é tarde para perderlles o medo ás novas tecnoloxías.

As �??avoíñas�?� están a traballar dende hai xa uns meses coas CPU, os monitores e os ratos, aínda que o aspecto informático que a bo seguro máis éxito vai ter entre as alumnas de Alicia López será o acceso á internet, no que as once pupilas coñecerán os segredos que agocha este mundo, crearán a súa propia conta de correo electrónico e pode que incluso ousen chatear e quizais atopar a algún coñecido.

Temática >A monitora da actividade de informática imparte, durante unha hora, distintos módulos formativos. Así, dende o pasado 12 de xaneiro empezaron a manexar o computador, xa que ningunha delas nunca tivera ningún contacto con este trebello. Así, empezan polas cousas máis básicas: encendido e apagado, control do rato (que é quizais o módulo que lles resultou algo máis complexo por todas as actividades que se fan con este elemento), coñecemento do teclado.

Agora, os seguintes obradoiros a descubrir son o manexo dos programas de tratamentos de textos e a internet, actividades que empezarán a desenvolver nos vindeiros días na Aula Aberta que o Concello de Valga ten no Auditorio.

As clases rematarán arredor do mes de xullo aínda que non se descarta continuar todo o ano.

DIARIO DE AROUSA, 23/02/09