Ante as manifestacións de dito concelleiro nun medio de comunicación o día 8 de marzo, desexo contestar o seguinte:
1. Resulta obvio que levantar un pavimento recente na rúa Caldeirón de Arriba de Porto por parte da empresa do gas para logo repoñelo ten un custo que non vai asumir o concello. Pero a veciñanza critica que haxa estes gastos absurdos a máis nas obras que afectan ás administracións. Construir un pavimento, rompelo ao pouco tempo e logo volvelo a repoñer, é a consecuencia dunha nula planificación e dunha nefasta coordinación dos traballos da obra municipal coa obra do gas por parte do goberno local de Pontecesures.
2. Non comparto a tese de que o arranxo da avaría de aúga na rúa Doutor Mosquera de Condide non era unha actuación prioritaria. Estivo uns dez días o auga manando polo centro da estrada co desperdicio da mesma nestes intres de seca e causando unha sensación de abandono moi criticada pola veciñanza nunha rúa tan transitada.
3. Evidentemente a edificación da rúa Novo Núñez (preto da Casa do Concello) conta con licenza e conta cun valado que pode continuar ata que remate a obra dentro do prazo concedido. Pero é que a fachada xa está rematada, o valado presenta unhas condicións lamentables e fóra do valado (na beirarrúa actual) foron causados uns daños por mor da obra que ocasionaron danos aos peóns e foi necesario colocar unhas chapas de ferro provisionais que levan aí meses. O que ten que facer o concelleiro de obras é xestionar que se repare a beirarrúa e que se habilite dunha vez o espazo público vinculado á licenza. Pídese xestión, para iso ten o Souto Cordo unha dedicación exclusiva.
Luis Ángel Sabariz Rolán
Concelleiro da ACP de Pontecesures
