Web non oficial de Pontecesures

A gaiteira cesureña Adriana Rivas Seijo, participou, de novo, no concurso de Arteixo.

Aínda que saíu contenta da actuación, esta vez Adriana, gaiteira do grupo Algueirada, non obtivo premio no concurso de gaiteiros solistas “Xiradela” de Arteixo. Houbo dez participantes cun bo nivel en xeral.
Nesta ocasión Adriana non levou acompañamento, pois unha indisposición de última hora impediu o desprazamento do monitor, Miguel Castaño, á cidade coruñesa.

Por Luis Angel Sabariz Rolán, fai

I Copa de Fútbol Sala Pascua 09 en Cordeiro.

Disputarase o xoves e o venres próximos, de 10 a 22 horas, no pavillón de Beiro.
Os premios serán de 1.500, 600, 300 e 100 euros, máis trofeo para os 4 primeiros clasificados, e o cota de inscripción é de 100 euros (máximo 32 equipos).
O sorteo terá lugar na Casa de Cultura de Campaña o mércores día 8 ás 22 horas.
Rexerán as normas da Federación Galega de Fútbol Sala e haberá servizo de cantina.

Inscricións: 659 822427 e 669 521912

Por Luis Angel Sabariz Rolán, fai

ESTE MARTES 7 DE ABRIL,ESTARÁN O ALCALDE E O TENENTE-ALCADE DO CONCELLO DE PADRON EN PALCO DE ESTRELAS-RADIO VALGA

Mañá martes 7 de abril,o programa “Palco de Estrelas” de Radio Valga, dirixido e presentado por Daniel Seijas Llerena, adianta un días a súa emisión esta semana. Dado que o xoves é festivo e o mercores en Radio Valga ,a noitiña ,hai unha importante retransmisión deportiva narrada en directo dende Vilagarcia por Héctor Bermudez,onde xoga o equipo de Balocesto feminino do Extrugasa,decidiuse adiantar a mañá martes a emisión do programa “Palco de Estrelas”. Desta vez contarase nos estudios centrais de Radio Valga,sobre as 21.35h., da presencia en directo do alcalde de Padrón, Don Camilio Forjan Seoane e do Tenente-Alcalde e concelleiro de Cultura,Don Eloy Rodriguez Carbía, para falarnos da programación das festas da Pascua 2009. Ademais,nos xa case 10 anos de historia da emisora valguesa, é a primeira vez que uns dirixentes do goberno municipal de Padrón acuden a unha entrevista en directo a propia emisora.

Por DANIEL SEIJAS S.L., fai

O Venres Santo, a “pulpeira” do Carballiño estará no Bar Choco todo o día.

Ante o grande número de persoas que degustaron o polbo na praza dos Valeiros de Porto o venres día 3 e o domingo día 5 de abril, a “pulpeira” estará o venres día 10 pola mañá e pola tarde para servir o exquisito producto.
Se houbo moito xente o venres pasado, onte ao mediodía foi espectacular, estimandose que tanto dentro do Bar Choco, como fóra, na praza dos Valeiros, houbo máis de 400 persoas degustando o polbo. Acompañou o tempo e houbo moi bo ambiente.

Por Luis Angel Sabariz Rolán, fai