Mañá, martes de Pascuilla, actúa o grupo folclórico cesureño, ás 20 horas, dentro do programa da Pascua 2010.
Sociedade
Programa da Pascua de Padrón 2010.
Domingo, 28 de marzo
Pola tarde:
19:30 h Na Praza de Macías, actuación da Escola de bailes latinos ??El Tomasón?
Xoves Santo, 1 de abril
Pola mañá:
8:30 h. No campo do Souto , comezo da 1ª Peregrinación Oficial da ??Pedronía en biclicleta? Santiago Compostela-Padrón
Pola tarde:
Venres Santo, 2 de abril
11:30 h Inauguración no Auditorio Municipal da exposición: XXV Aniversario da Asociación Grupo Folclórico Rosalía de Castro.
12:00 h Final dos Campionatos Galegos de Xadrez que contarán coa presenza de Alexis Shirov (xadrecista que está situado entre os 10 mellores do mundo)
Sábado de Pascua, 3 de abril
Pola mañá:
Gran salva de bombas, anunciando as Festas de Pascua 2010, a cargo da Pirotecnia López dos Ánxeles – Brión (A Coruña).
11: 00 h. GRAN CARREIRA DE MARATHON POPULAR, na súa XXI edición.
Pola Tarde-Noite:
17:00 h Na praza de touros da Barca Gran concurso de quebros, cortes e saltos taurinos cos mellores especialistas. De seguido Gran Prix coa solta de xovencos para as peñas de mozos que se formen.
18:00 h. Inauguración da XLI FEIRA EXPOSICI?N DE MAQUINARIA AGRÍCOLA E INDUSTRIAL.
19:00 h. A charanga NBA , percorrerá as rúas da Vila, amenizando ós pascueiros.
21:00 h. PREG?N INAUGURACI?N das festas de PASCUA-2010, a cargo de. D. Xosé Carlos Carballido Rey. Catedrático de Xeografía e Xefe do Departamento de Economía e Organización de Empresas do Instituto Torrente Ballester de Pontevedra. Profesor Titor da UNED de Pontevedra. Dende 1997 Secretario da Irmandade de Fillos e Amigos de Padrón e persoa vinculada e implicada activamente no desenvolvemento cultural padronés. A continuación actuación da Banda de Música Municipal de Padrón.
22:00 h. Pola noite gran verbena na Praza de Fondo de Vila, amenizada polas orquestras : GRAN PARADA E MASTER.
22:30 h Na Praza de Macías, actuación do grupo padronés Maldados
22:30 h No Pavillón Polideportivo Municipal, gran velada de boxeo,
24:00 h Na Praza de Macías, actuación do grupo Astarot
Domingo de Pascua, 4 de abril
Pola Mañá:
09:00 h. Inauguración da secular e tradicional Feira Cabalar.
09:00 h. Feira exposición de maquinaria agrícola e industrial.
11:00 h. Dianas e alboradas a cargo do grupo folclórico O Pedrón, que acompañarán aos xigantes e cabezudos polas rúas padronesas.
11:00 h- 14 h Escola Infantil de Monta en Ponis, gratis, para todos os pequenos nun circuíto pechado instalado no Campo da Barca.
11:15 h. Pasarrúas a cargo da Banda de Música Municipal de Padrón.
11:30 h. Pasarrúas a cargo das charangas APELES e SANTIAGUI?O.
12:00 h. Espectáculo Ecuestre ??Soñando a caballo?, na praza de touros instalada no campo da Barca.
14:00 h. Concerto da Banda de Música Municipal de Padrón na Praza de Macías
Pola Tarde-Noite:
17:00 h. Actuación do grupo folclórico Rosalía de Castro na Praza de Macías .
17:00 h. Extraordinaria Corrida de Touros sen picar na praza instalada no campo da Barca, onde se lidiarán 6 novillos touros, 2 para o rexoneador Mario Pérez Langa de Zaragoza e 4 para os Novilleiros: Ricardo Maldonado de Valladolid e Jesús Duque (gran triunfador da Feira de Valencia).
18:30 h. Pasarrúas a cargo das charangas APELES e SANTIAGUI?O.
22:00 h. Verbena na Praza de Fondo de Vila, amenizada polas orquestras COSTA OESTE e CHARLESTON.
Luns de Pascua, 5 de abril (Día de Santiago)
Pola Mañá:
11:30 h. Dianas e alboradas a cargo do grupo de gaitas Airiños do Meda, que acompañarán aos xigantes e cabezudos polas rúas padronesas.
12:00 h. Pasarrúas a cargo da Banda de Música Municipal de Padrón.
13:00 h. Recepción da Excma. Corporación do Concello de Santiago. Durante este acto actuarán as Bandas de Música Municipal de Santiago e Municipal de Padrón.
13:30 h. Concerto a cargo da Banda de Música Municipal de Santiago na Praza de Macías.
Pola Tarde-Noite:
17:00 h. Nas diversas prazas da Vila GRAN FESTA INFANTIL, empresa Pekexogo
19:00 h. Pasarrúas a cargo da charanga AIR JALISIA.
19:00 h Na praza de Macías, exhibición de capoeira
20:30 h Na praza de Macías, espectáculo ??Baile de Fuego?
22:00 h. Verbena na Praza de Fondo de Vila, amenizada polas orquestras CINEMA e ATENAS.
Martes de Pascua, 6 de abril (Día de Rianxo)
Pola Mañá:
12:00 h. Dianas e alboradas a cargo do grupo de gaitas Airiños do Meda, que acompañarán aos Xigantes e Cabezudos polas rúas padronesas.
Pola Tarde-Noite:
17: 45 h. Recepción da Ilma. Corporación do Concello de Rianxo. Durante este acto actuarán as Bandas de Música Municipal de Padrón e Banda de Rianxo.
19:00 h. Concerto Banda de Rianxo na Praza de Macías
19: 00 h. No Campo Municipal do Souto, encontro de fútbol en disputa do LIIi Trofeo ??Rosalía de Castro? entre os equipos:
CELTA DE VIGO DE VETERANOS E SELECCI?N DE VETERANOS DA COMARCA
20:00 h. Actuación do grupo de Baile e Gaitas Algueirada de Pontecesures.
20:30 h. Pasarrúas a cargo da charanga OS JALACTICOS
22:00 h. Verbena na Praza de Fondo de Vila, amenizada polas orquestras PANORAMA e SINTONIA DE VIGO.
Venres de Pascuilla, 9 de abril
Pola Tarde-Noite:
19:30 h. No claustro do convento do Carme, inauguración do III Premio Internacional de Arte Gráfico ??Jesús Núñez?. Patrocinado polo Excma. Deputación Provincial de A Coruña, que permanerá aberta do 8 ó 24 abril
20:30 h. Pasarrúas a cargo da charanga APELES
22:00 h.- II Festival do Sar: Praza de Macías, actuarán os grupos:
– INTERCOLES
-BLACK SOUL MOTARD
-NOISE PROJECT
-THE FRIENDOWS+ DJ´S: MANDRIL SELECTOR E GRIME SELECTAH
22:00 h Verbena na Praza de Fondo de Vila, amenizada polas orquestras PHILADELPHIA e MIRAMAR
Sábado de Pascuilla, 10 de abril
Pola Mañá:
10:00 h. Raid Hípico Cabalar: ?? GRAN PREMIO DE PASCUA?. Consta de tres probas unha de 46 Km e dúas de 81 Km, con saída e chegada na Área Recreativa do Santiaguiño do Monte.
10:00 h. Torneo de waterpolo Vila de Padrón.
11:30 h. Dianas e alboradas a cargo do grupo de gaitas O??Pedrón, que acompañarán aos Xigantes e Cabezudos polas rúas padronesas.
Pola Tarde-Noite:
16:00 h. CICLISMO: XLVIiI. CLÁSICA CICLISMO DE PASCUA. Organizada polo Clube Ciclista Padronés. Chegada prevista para as 19:00 h no campo do Souto.
17:30 h Taller para nenos e adultos de fabricación de instrumentos musicais.
19:30 h. Pasarrúas a cargo da charanga MEKÁNICA
20:00 h. Na Praza de Macías, actuación do grupo folclórico ?? A Arreixeira? de Retén- Iria Flavia
22:00 h. Verbena no paseo do Espolón, amenizada polas orquestras PONTEVEDRA e TEKILA.
24:00 h. Gran exhibición de Lucería a cargo da Pirotecnia López dos Ánxeles-Brion (A Coruña)
Domingo de Pascuilla, 11 de abril
Pola Mañá:
10:30 h. Dianas e alboradas a cargo do grupo de gaitas O??Pedrón, que acompañarán aos Xigantes e Cabezudos polas rúas padronesas.
12:00 h. Fronte ó Xulgado formarase a xuntanza integrada pola Excma. Corporación Municipal, Comisión de Festas e a Irmandade de Amigos e Fillos de Padrón., así como todos os padroneses que o desexen. De seguido, dirixiranse ó Paseo do Espolón, depositarán unha coroa de loureiro diante da estatua de Rosalía de Castro.
Relación de Premiados: Dona Mercedes Barros García, Colaboradora de distintas asociacións. Dona Manuela Cabero Cabero, Coordinadora de Asociacións de Mulleres, Dona Eva Martín Peñalver, amiga de Padrón, residente en Madrid. Don Santiago Aboy Barreiro Padronés xubilado, residente en Almería. Don Ramón Nogueira Gens, Empregado de banca xubilado. Don Santiago M. Valladares López, Selecionador Galego de Fútbol ?? Sala. Don Estanislao Vázquez Rey, empresário padronés. Don José Villamor Calvo, Inxenieiro Industrial e á empresa Aluminios Dopazo, S.L.
De seguido a Corporación e os homenaxeados dirixiranse á Casa do Concello onde se servirá un viño galego a tódolos asistentes.
13:00 h Actuación da Agrupación folclórica O Pedrón na Praza de Macías
Pola Tarde-Noite:
18:00 h. Concerto de Bandas ??Capital do Sar? na Praza de Macías, actuarán:
– Banda de Música Ateneo de Negreira
– Banda de Música Municipal de Padrón
– Banda de Música Cultural de Teo
22:00 h. Verbena na Praza de Fondo de Vila, amenizada polas orquestras LA OCA e TELEVISI?N DE GALICIA.
Cultura
Adriana Rivas: «A gaita é sorprendente. Con ela pódese tocar calquera cousa».
Os rianxeiros tiveron, hai xusto unha semana, a ocasión de disfrutar coa música dunha virtuosa da gaita galega, a cesureña Adriana Rivas Seijo e, dende logo, o seu bo facer músical non pasou desapercibido, xa que resultou gañadora do certame tradicional de solistas de gaita organizado pola asociación Fogo Fatuo. Coa compaña de Jordi Castaño ao tambor, unha rapaza de tan só 17 anos de idade, impúxose a outros oito gaiteiros solistas. Foi só un éxito máis da lista, que xa comeza a ser longa, de todos cantos leva conquistados na súa, de momento curta, pero intensa e fructífera carreira, posto que a relación de premios colleitados aló por onde vai comeza xa a ser bastante importante.
De auténtica paixón podería definirse o que Adriana sinte pola gaita tradicional galega. Dende que descubriu este instrumento xa non o soltou e cada vez apunta máis alto. Quere ser mestra e vai polo bo camiño, posto que xa exerce como tal no grupo Algueirada de Pontecesures, ao mesmo tempo que estuda Artes Escénicas. Música e Danza, orientada ao maxisterio. Ten claro que, dun xeito ou doutro, a música ten que formar parte da súa vida profesional.
De momento, a súa carreira vai vento en popa e, a pesares dos éxitos. Adriana non esquece ás persoas que lle inculcaron este amor pola gaita e lle aprenderon parte do que hoxe sabe, especialmente o seu mestre Miguel Castaño, ao que non dirixe nada máis que palabras de agarimo, agradecemento e admiración.
Debe ser do máis gratificante recibir un premio tras outro…
A verdade é que é reconfortante ver como o meu traballo gusta tanto. Comecei a ir aos concursos aos trece anos, animada polo meu profesor. En total fun a dez certames e, contando o de Rianxo, teño sete premios, polo que o balance é bastante bo.
¿Onde pode estar a clave para que as túas pezas gusten aos xurados?
Elíxoas xunto ao meu profesor e tratamos de introducir creacións propias para que as pezas sonen diferente; sen disfrazalas, pero dándolles un toque persoal.
¿De onde ven esta afección pola música, ten algún antecedente familiar?
Non ninguén da miña familia foi músico. Eu coñecín a gaita coas actividades extrascolares do colexio de Pontecesures, Vin que había clases e pareceume curioso. Os meus pais apoiáronme e así comecei en Algueirada, primeiro cun mestre que se chamaba Luis e logo con Miguel Castaño, que foi o que me comezou a levar a concursos e a prepararme.
¿Com logras compaxinar a túa carreira musical co resto da ocupación, como os estudos?
Voume amañando pouco a pouco. Ás veces resúltame imposibel ensaiar todos os días, porque tamén hai que estudar, pero vouno compaxinando ben. Polas mañás vou ao instituto e pola tarde, no meu tempo libre, ensaio na miña casa. Teño que dicir que os veciños nunca se me quixaron para nada. Ao contrario dinme: «toca, toca, que sona moi ben». Demais dos estudos e dos enssaios, ás veces toco coa Banda de Música de Valga como gaiteiro solista e o ano pasado comecei na Escola Libre da MPG, en Santiago, un conservatorio centrado na música tradicional e folk que trata de tirar un pouco polas nosas raíces e pola cultura galega. ? un conservatorio que non é nada común. O resto están centrados en instrumentos de banda, mentres que este vai orientado aos instrumentos típicos de Galicia, como a gaita, a zanfona, o tambor ou o bombo.
¿Nunca sentiches interese por ningún outro instrumento?
O ano pasado comecei coa requinta, xa que me pareceu interesante, pero sempre tirei moito pola gaita. ? un instrumento que aprecio e sempre tirarei por el: Moita xente pensa que non se poden facer moitas cousas con ela, pero a min sorprendeume cando comecei a introducirme neste mundo, a escoitar discos de grupos…Decateime de que se pode tocar calquera cousa, dende muiñeiras, xotas ou pasodobles, ata un tango ou sambas. Pódese facer o que un queira, un montón de misturas. Cando comecei a coñecer a gaiteiros bos e a escoitar cousas deles parecíame incrible. Así é como unha se decata de que non sabe practicamente nada, porque este é un campo moi amplo.
¿Tes algún referente no ámbito da música tradicional galega ou folk?
Hai moita xente moi boa, dun gústanme unhas cousas, doutros outras…no podería dicir soamente a un porque hai moi bos músicos como Edelmiro Fernández, Daniel Vellón, Eva Álvarez, Pablo Seoane..O que sí teño que dicir é que estou moi orgullosa de ter coma mestre a Miguel Castaño. Grazas a el comecei a evolucionar e a entrar neste mundo, a coñecer a música…Practicamente todo o qu sei é grazas a el. Como gaiteiro téñome que quitar o sombreiro ante el e como persoa tamén, Nos últimos concursos o que me acompañou ao tambor foi o seu irmán, Jordi Castaño, que tamén se ve moi implicado, é moi bo músico e pórtase moi ben conmigo.
¿Cara onde queres orientar a túa carreira? ¿A que aspiras no mundo da música?
Actualmente estou a estudar un bacharelato de Artes Escénicas, Música e Danza, orientado ao maxisterio, para poder ser profesora de infantil e primaria. Se poidera ser, e en paralelo, tamén me gustaría facer no conservatorio aínda un pouco maís de gaita. Eu estou aberta a todo: a dar clases, a estar en grupos…A todo o que xurda abrireille as portas.
O papel de profesora xa o estás a desenvolver agora, ¿como te ves nesa faceta?
Véxome un pouco rara de profesora. Algúns dos meus alumnos antes eran os meus compañeiros, polo que é un pocuo estrano. Teño máis responsabilidades, pero lévoo ben. Os rapaces son moi agradables e trabállase moi ben con eles, polo que estou a gusto. A algúns xa se lles ve que apuntan maneiras.
«Arousa, un mar de cultura». DIARIO DE AROUSA, 29/11/09
Cultura
«Ser profesora de gaita ten máis responsabilidade que ser alumna».
Adriana Rivas Seijo Gaiteira de Pontecesures
Adriana Rivas ten 17 anos e leva tocando a gaita desde os oito, aínda que con seis aniños xa empezou coa frauta. Desde entón a súa vida xira arredor da música. Xa exerce de profesora de gaita co grupo Algueirada, é gaiteira solista na Banda de Música de Valga, recibe clases de requinta en Santiago a chegou a tempo para poder coller o bacharelato pola rama de artes escénicas, música e danza, que se imparte no instituto Antonio Fragua, de Compostela. A súa idea é poder vivir da música dun xeito ou doutro. De momento, xa vai polo seu sétimo premio. O último, o que gañou o sábado en Rianxo, con Jordi Castaño ao tambor.
-¿Ata onde quere chegar no mundo da gaita?
-A miña ilusión sería poder facer conservatorio de gaita, pero aínda me queda moito por estudar.
-¿Aspira a facer deste instrumento a súa profesión?
-Gustaríame poder estudar maxisterio musical para ser profesora de música e poder dar tamén algunha clase particular.
-¿Vese como unha Cristina Pato ou unha Susana Seivane?
-Non lle pecho as portas a nada, estaría ben.
-De momento xa está ensinando gaita a outros, ¿en que se sinte máis cómoda, de mestra ou de alumna?
-Ser profesora ten un pouco máis de risco porque ten máis responsabilidade que ser alumna, pero vaise levando.
Columna «A pie de calle». LA VOZ DE GALICIA, 27/11/09
Cultura
Adriana Rivas Seijo: «Eu quero especializarme, quédame moito que aprender».
Gaiteira cesureña, gañadora do certame de solistas de Rianxo
A cesureña Adriana Rivas Seijo, do grupo Algueirada, vén de gañar o certame tradicional de solistas de gaita organizado pola Asociación Fogo Fatuo de Rianxo.
Acompañada de Jordi Castaño ó tambor e con só 17 anos, impúxose a outros oito gaiteiros solistas e obtivo un premio de 300 euros en metálico e un agasallo.
Pode presumir xa de sete permios con só 17 anos. A que idade empezou a tocar a gaita?
Empecei ós seis anos tocando a frauta e ós oito paseime á gaita porque me chamou á atención. Pareceume máis interesante e meus pais tamén me animaron.
Sempre pertenceu ó grupo Algueirada?
Si, sempre estiven como alumna e agora estou dando clase.
? este o seu primeiro premio en Rianxo?
Non, alí déronme outro hai dous anos. Foi un premio especial un pouco improvisado porque tivera dous fallos e non me podían dar o primeiro, pero non me querían deixar sen nada porque lles gustara a miña actuación.
Ten pensado seguir dedicándose á música?
Non me gustaría deixala de lado. Quero seguir estudando e especializándome no Conservatorio de Gaita, porque me queda moito por aprender. Tamén quería estudiar Maxisterio para ser mestra de música.
Cultura
Adriana Rivas, do grupo Algueirada, gaña o certame de gaita de Rianxo.
A cesureña Adriana Rivas Seijo, do grupo Algueirada, gañou o certame tradicional de solistas de gaita organizado pola Asociación Fogo Fatuo e que tivo lugar o sábado 21 de novembro en Rianxo.
Acompañada por Jordi Castaño ao tambor, esta rapaza de 17 anos, impúxose a outros oito gaiteiros solistas e obtivo un premio en metálico de 300 euros máis un agasallo.
Un éxito máis para esta gaiteira cesureña que se consolida dentro dos virtuosos/as da gaita tradicional galega.
Noraboa a Adriana, e a seguir traballando.
