Non oficial porque falta1 compañeiro: Pino, por razóns de casamento.
A plantilla está formada, ademais de Pino, por: Fru (adstrador), Juanjo, Santi, Pepi, Turo, Pedrito, e Felipe. Sentados están: Peñaño, Victor, Diego, Pedro e Gulli.
Aqui están posando cos polos de quentamentos donados por “Seguros Sanmartín”
Co uniforme de xogo, que luce o logotipo do patrocinador principal do club dende o 2000, a empresa Extrugasa.
Mañá sábado, a partires das 19 h. da tarde o Extrugasa vai xogar outro encontro de preparación, ante o inminente inicio da liga 2007/08, previsto para a próxima fin de semana, ou coma moi tarde en 15 dias. Saberase na reunión deste luns día 1 de outubro, na delegación en Vilagarcia.
O partido de mañá vai ser contra o Meco de O Grove, actual campeon de liga e copa, polo que vai ser interesante cara a ver o nivel dos cesureños logo dun mes de pretemporada.
Nun partido onde os adestradores de ambos equipos rotaron a todos os seus xogadores, o Extrugasa xogou un pouquiño mais entonado, o xusto para domiñar o marcador de principio a fin, inda que sin lograr diferencias importantes en ningún momento.
De inicio os pivots locais Santi e Arturo anotaron debaixo da canasta, o que puxo os locais por diante, diferencias que se mantiveron no 1º cuarto gracias ó acerto de Gulli con 5 puntos seguidos. (fin do cuarto: 16 – 11).
No 2º foi Pino o xogador local mais inspirado, con 6 puntos seguidos. Ampliaronse as diferencias gracias a unha boa defensa, para chegar ó descanso 30 – 22.
O 3º cuarto foi domiñado polos grovenses, cun parcial neses minutos de 13 a 20. O descanso enfriou ós locais, que se deixaron ir por momentos, con dificultades para anotar, xa que se estaba mais estático en ataque. Eso propiciou varios contraataques dos visitantes, que chegaron ó ecuador da 2ª parte perdendo por 1 punto: 43 – 42.
No cuarto final o Grove sumou a 1ª canasta, polo que se adiantou por 1 punto, pero o equipo local voltou a centrarse en defensa, o que levou que ó Grove so anotase 2 canastas mais neses 10 minutos, e, sen facer un gran xogo en ataque, serviulle para gañalo encontro por 53 a 48.
Anotaron polo Extrugasa: Gulli (7), Peñaño (5), Pedrito (2), Victor (4), Pino (9), Santi (7), Turi (14), Pepi (5). Tamén xogaron Diego e Pedro “cachote”.
O Extrugasa espera xogar o 2º encontro na próxima fin de semana á espera de que se sepa o modelo de competición, e cando se inicia o campeonato.
Será as 18.30 h. no polideportivo municipal de Pontecesures cando o equipo senior 2007-08 inicie a competición, xogando un partido amistoso contra o equipo senior do C. B. O Grove. Para este partido son baixas Felino e Juanjo, por distintos motivos , polo que son 10 os xogadores que van disputar o primeiro partido da temporada.
Bases: Peñaño e Pedro.
Aleiros: Diego, Victor, Pedrito, Gulli e Pepi.
Pivots: Turo, Pino e Santi.
O equipo segue á espera de que se celebre a reunión para a elaboración do calendario, prevista para os primeiros dias de outubro, barallando como data de inicio da liga 2007-08 a do fin de semana do 6 e 7 de outubro, ou a do 13 e 14 de outubro como mais tardar. Así polo menos poderán disputar outro encontro amistoso o vindeiro fin de semana que lles sirva para ir collendo rodaxe.
Este vindeiro luns día 3 de setembro o equipo senior empeza os seus adestramentos da temporada 2007-08, ca ilusión de facer unha boa campaña un ano mais. Para ese dia están citados no polideportivo cesureño os 8 xogadores da temporada pasada que permanecen: Gulli, Peñaño, Pedro, Diego, Pepi, Santi, Felipe e Arturo, mais o recuperado Pino. A estes 9 xogadores vanse unir 4 ou 5 xogadores procedentes do equipo xuvenil, dos cais 3 farán ficha a finais de setembro, cando o corpo técnico decida a composición definitiva da plantilla. Por diante espera un mes de setembro de 3 entrenamentos semanais (nun principio luns, mercores e venres), para a finais de mes empezar a disputar os primeiros partidos de pretemporada.
Logo de dezasete anos xogando e defendendo as cores do Extrugasa Rio Ulla de Pontecesures, Nacho, sen dúbida o mellor pivot que xogou no equipo de Fruki, anunciou a súa retirada definitiva o pasado domingo. Segundo manifestou, deixa o baloncesto por motivos laborais e persoais. Xa lle foi complicado xogar e entrenar con frecuncia a pasada tempada, pero sempre que podía estaba apoiando os seus compañeiros e amigos. Cando Jhon Pino anunciou o seu retorno ao C.B Pontecesures, Nacho, vendo que o posto de pivot quedaba ben cuberto por Pino e Arturo, decidiu “colga-la” camiseta.
Agora, unha vez confirmado por él mesmo a súa retirada, e logo de defender, xogar, e sentar cátedra como xogador e sobre todo, como persoa, se merecería unha sentida e emocionada homenaxe. De momento, e a pesar de que antes de ser oficial, Fruki xa o sabía persoalmente por Nacho, non se sabe nada, nin se escoita nada de homenaxes por parte da xunta directiva do clube, comandada polo eterno Fruki. Esperemos que Fruki esta vez ande rapido e se encomende a facer canto antes unha homenaxe merecidísima a un xogador que xogou en Cesures por non deixar “tirados” os seus amigos de sempre, a pesar de que tiña calidade para xogar nunha liga superior.
Dentro dun mes comeza a pretempada do Extrugasa Rio Ulla de Pontecesures. Esperemos que Rodriguez Fructuoso e a súa directiva preparen algún partido no que Nacho se poida despedir dos seus amigos de equipo e dos seus amigos de grada de sempre. Pero iso xa non depende de nos.
Dende aquí, *Gracias Nacho*.