A procesión percorreu parte da parroquia de Cordeiro.
A ??Procesión dos Lacóns? volveu percorrer onte o traxecto entre a aldea de Vilar e a igrexa parroquial de Cordeiro. As imaxes de San Antonio, San Roque e San Paio acompañaron ás cinco mulleres que portaban cestas con lacóns, unha ofrenda que é toda unha tradición dende o século XIX. Trala misa, as pezas de carne foron subastadas e os veciños pagaron entre 22 e 70 euros por cada unha delas.
Canto xuntastes??, preguntaba ao párroco de Cordeiro un dos asistentes aos festexos da Candelaria ao rematar a poxa dos lacóns. ??Moi pouco?, era a resposta do cura. Foron concretamente 375 euros os que reuniu coa subasta das oito pezas de carne que se puxeron á venta. Setenta euros foi a cantidade máis elevada que se ofreceu polo lacón de maiores dimensións, cando o ano pasado chegaran a pagarse noventa euros por algunha peza. Semella que a crise fai mella nos petos dos cidadáns, pero isto non foi, nin moito menos, un obstáculo para que Cordeiro cumplise coa tradición de cada 2 de febreiro, como manda a Virxe da Candelaria.
Dende as dez da mañá un bo número de veciños saíron en procesión dende a capela de Vilar portando as imaxes de tres santos: o patrón da aldea, San Paio, ao que acompañaban San Roque e San Antonio. Os dous últimos ían de volta cara o seu ??fogar? habitual, a igrexa de Cordeiro, dende a que se trasladaron a Vilar o pasado 25 de xaneiro, con motivo da festividade de San Paio. Alí estiveron durante máis dunha semana e onte tocaba camiñata de regreso.
Durante preto de dúas horas e media a ??Procesión dos Lacóns? percorreu o traxecto entre Vilar e a igrexa parroquial de Cordeiro. Unha salva de bombas de palenque anunciaba o paso por cada lugar da comitiva, encabezada por cinco mulleres que portaban, sobre as súas cabezas, cestas cun total de oito pezas de lacón. Tras elas, os tres santos, un grupo de gaiteiros e a ringleira de devotos, algúns deles con ramos de flores. Houbo paradas para descansar e repoñer folgos, e tamén para degustar os aperitivos e as copas de ??sansón? ou outras bebidas que os veciños ofrecían aos camiñantes.
Foi un andazo de peste que sufriu no século XIX a aldea de Vilar o que deu orixe a esta tradición. Por aquel entón, ante os crecentes e nefastos efectos da epidemia, os veciños decidiron reclamar a intervención divina mediante unha ofrenda aos santos. A iniciativa parece que xurdiu efecto e a procesión convirteuse en toda una tradición que se mantén a pesares do paso do tempo.
A medida que a procesión se ía achegando á igrexa de Cordeiro era cada vez máis o número de persoas que se congregaba nos arredores do templo para recibila. Durante a espera aproveitaban para mercar rosquillas ou lambetadas, no caso dos máis pequenos. A chegada da comitiva deu paso a unha misa cantada e a outro dos actos principais da mañá: a poxa dos oito lacóns que as mulleres ofreceron a San Antonio, San Roque e San Paio.
Dende o palco de música o párroco e un axudante foron amosando á xente cada unha das pezas. Ese foi o momento no que houbo no campo da festa unha maior congregación de persoas dispostas a ofrecer cartos polos lacóns, aínda que non foran tantos como desexara o párroco, que de vez en cando pedía un pouco máis de animación entre os potenciais compradores. ??Hai que mirar o que temos na carteira?, replicábanlle con risas dende o público. Porque tamén houbo momentos simpáticos, como algunha que outra equivocación nas cantidades. Iso sí, ningún lacón quedou sen dono. O menor prezo que se ofreceu foi 22 euros, mentras que o maior foi vendido por 70. Entre medias as cantidades foron moi diversas, dese os 25 euros dalgúns ata os 55 que se pagaron por outros. E a pesar que algúns case levaban xa o peto valeiro, aínda faltaba a sesión vermouth, amenizada polo grupo de gaitas ??Airiños do Meda?.
Os festexos en Cordeiro non remataron, nin moito menos, cos actos na horna da Virxe da Candelaria. Hoxe, día adicado a San Blas, volve a ser día de festa nesta parroquia e tamén no resto do municipio, posto que é festivo local en Valga.
A primeira hora da mañá doce bombas de palenque darán comezo ás celebracións en Cordeiro, con misas rezadas a partir das nove. Ás dez será o turno do pasarrúas a cargo da Banda de Música de Vilanova. O acto relixioso central está previsto para a unha do mediodía e estará cantado por un coro. Darase paso, entón, á sesión vermouth e, pola tarde, volverá a haber misa rezada ás 18 horas.
Además, seguindo coa tradición instaurada xa hai anos, os empresarios do municipio aproveitarán o día de San Blas para reunirse nunha comida no restaurante Casa José, á que asistirán tamén o, José María Bello Maneiro, e o conselleiro de Industria, Javier Guerra.
E para rematar esta semana de festas continuas, o sábado terá lugar en Cordeiro unha verbena coa actuación das orquestras Charleston e Costa Oeste.
DIARIO DE AROUSA, 03/02/10
