Esta peña de quinielas denominada “Máis vale tarde que nunca” reúnese ó venres día 23 de maio ás 20:30 horas no Bar Mambís de Pontecesures.
Cultura
Mañá domingo, teatro no Centro Social de Pontecesures.
O domingo día 18 de maio de 2008 e dentro dos actos das Letras Galegas 2008, representarase ás 20:00 horas, polo grupo de teatro da Barcarola a obra “Repouso absoluto”.
Deportes
André Oliveira e Miguel Rodríguez son a aposta do futuro.
A Federación Española de Piragüsmo fixo unha aposta forte por André e Miguel, palistas de Pontecesures e Rianxo que destacan pola súa xuventude. En Milán non tiveron ningunha opción de clasificarse para a final na distancia dos 500 metros, pero coa máis que probable retirada de Frdi Bea parece que son André e Miguel os que representan o piragüismo español en C-2. A súa preparación terá que ir encamiñada cara ós Xogos Olímpicos de Londres no ano 2012.
DIARIO DE AROUSA, 17/05/08
Cultura
A padronesa Fany Dopazo desfilando na 1ª semifinal do concurso “Top Model” de Área Central
Fany é a de bañador verde.
Superou a xove, Estefanía Dopazo Caeiro, de 16 anos, e que reside en Herbón, esta primeira semifinal e participou na final que se celebrou o sábado día 10 de maio.
Cultura
Adriana Rivas participará no VI Certame de Gaiteiros Solistas “Festa do Salmón” da Estrada.
O día 18 de maio, ás 17:00 horas, no Teatro Principal terá lugar o VI Certame de Gaiteiros Solistas Festa do Salmón na Estrada.
A gaiteira de “Algueirada”, Adriana Rivas Seijo, participa neste concurso xunto con 11 gaiteiros máis. Segue a gaiteira cesureña participando en certames de prestixio para mellorar a súa formación ó competir con músicos moi experimentados.
Establécense tres premios, cunha dotación de:
1º. Clasificado: 1000.- euros. e Diploma
2º. Clasificado: 600.- euros. e Diploma
3º. Clasificado: 300.-euros. e Diploma
Adriana e ó seu monitor Miguel o domingo pasado no concurso de Bandeira.
Sociedade 
¿Por que se maltrata a estatua das Marías na Alameda de Santiago?
Imaxe que amosa o mal estado no que se encontra na actualidade esta estatua da alameda de Santiago,a pesar das sucesivas reformas as que foi sometida.
«Esta fotografia amosa o mal estado no que se encontra na actualidade a estatua das Marías da alameda de Santiago,a pesar das sucesivas reformas as que foi sometida. A xente que causa estes desperfectos non mostra respeto por este símbolo compostelano, tan relacionado coa cidade como a catedral e a zona vella».
LA VOZ DE GALICIA, 15/05/08
Realmente dan moita pen as pintadas neste monumento tan emblemático e tan simpático. ?s que imos cumprindo bastantes anos, traenos moitas lembranzas esta estatua. Vimos pasar ás Marías en vida paseando pola zona vella de Santiago. Era unha imaxe sorprendente e chamaba moito a atención.
Resulta incomprensible, que os desaprensivos maltranten sempre unha estatua na Alameda que é tan importante para a historia de Santiago.