Chegará o presidente provincial do PP ás 10 horas á Plazuela co fin de intercambiar opinións con veciños e veciñas de Pontecesures e coñecer de primeira man as súas necesidades.
Política
O Grove, Catoira, Pontecesures y A Illa también son puntos calientes.
Las elecciones municipales de este año también se presentan apasionantes en algunos concellos de la comarca. Es el caso de O Grove, donde el socialista José Antonio Cacabelos podría perder la alcaldía ante el empuje del PP de Miguel Pérez. Será también interesante conocer cómo se decide la pugna entre los enfrentados Partido Galeguista Democrático de Fredi Bea y el Partido dos Galeguistas do Grove de Francisco Pérez Katelo y López Chesqui.
En Catoira, el BNG de Nando Casal se quedó hace cuatro años a las puertas de la alcaldía. Ahora, el socialista Alberto García corre aún más riesgos de perder el poder porque en estos comicios ya no votan los emigrantes, algo que le benefició y que fue determinante hace cuatro años.
Pontecesures, con siete candidaturas (cuatro de ellas independientes), es también una incógnita que no parece que se vaya a resolver ni tan siquiera el 22-M. Tras las votaciones sin duda habrá negociaciones a muchas bandas para formar gobierno.
Y en A Illa, donde el PSOE de Manuel Vázquez, ha gobernado cuatro años con mayoría absoluta, la incógnita es si los socialistas mantienen esta mayoría o si se ven obligados a pactar con el BNG. Hace cuatro años, los socialistas consiguieron el sexto concejal por un puñado de votos que hicieron que el PP se quedara solo con cuatro. El Bloque tiene un concejal.
LA VOZ DE GALICIA, 05/06/11
Política
«Cando saín escollida, se me dan unha labazada non me quedo máis fría».
Castro quere seguir pero ten o seu retrato listo.
A rexedora defende o seu dereito a exercer o cargo: «Se me presento é para ser alcaldesa»
Hai catro anos, a súa formación, Independientes de Pontecesures, foi a menos votada, obtendo 205 sufraxios e a súa solitaria acta. Malia todo, Maribel Castro foi elixida alcaldesa grazas ao apoio do Partido Popular e os dous concelleiros electos do PSOE, que foron expulsados do Partido Socialista. Dende entón, goberna coligada con eles. Agora, con sete candidaturas na pelexa electoral, a rexedora aspira á reelección.
-A súa elección foi moi criticada.
-E a pregunta que eu me fago é por que. Outros, cuns poucos votos, desbancaron a quen tiña máis. En Pontecesures era necesario un pacto, e nese momento nin o PSOE nin o PP querían que Angueira gobernase. Apoiáronme a min, que era a única alternativa.
-Pero era vostede a menos votada.
-Eu fixen o que sempre fago: votar por min mesma. Se me presento é para ser alcaldesa, como todo o mundo que está nisto, non para ser concelleira.
-¿Foi complicado alcanzar aquel acordo?
-Non, porque non houbo nada previo. Eu cheguei e votei por min. Cando levantei a man levantárona eles tamén. E quedei moi sorprendida, se me dan unha labazada non me quedo máis fría. Boteime a chorar. Ninguén auguraba entón que durásemos máis de tres meses, e levamos xa catro anos de goberno.
-¿Como son as relacións entre os tres portavoces?
-Con Randulfe a relación é difícil. Levamos xa moito tempo facendo o traballo Sabariz e máis eu. Aos do PP non lles gusta que lles mande ninguén, e moito menos unha muller. Aínda non chegamos á igualdade completa. Pero é o que eu lles digo aos rapaces da oficina, aos funcionarios. «Nós somos aves de paso, o voo remata o 22 de maio, e sodes vós quen levades o Concello». Agora, que tamén lles digo: «Ídesvos lembrar moito de min, xa veredes».
-¿? que non se ve repetindo, logo?
-Eu preparei un lugar no Concello para ter todos os retratos dos alcaldes de Pontecesures. O último é o de Angueira, que xa está colocado, e eu teño tamén o meu aínda sen poñer. Se non saio elixida, poño a fotografía e marcho tan tranquila. Pero si creo que vou repetir. Se a xente valora o meu traballo votarán por min. Deles depende.
-¿Que subliñaría destes catro anos?
-O meu slogan: «Acabamos de chegar e xa fixemos moito». Saneamento, démoslle a mesma cor a toda a vila, amañamos a Plazuela e a praza do Coche de Pedra, ampliacións de camiños, rehabilitacións, a depuradora de Grobas, a escola obradoiro… Quédame a espiña dun centro cultural.
-¿Como se leva con Angueira?
-Normal. Gobernei con el, agora está na oposición e podemos discutir, pero nunca nada persoal, pásanos deseguido.
-Vostede estivo tamén no PP. ¿Que lles pasa? ¿Por que tanta escisión?
-A min no 2003 quitáronme o carné. O único que sei é que tomaron a decisión final sobre o candidato dende arriba, dende a Deputación.
María Isabel Castro Barreiro
19 de novembro de 1950, en Pontecesures
Casada, ten un fillo, unha filla e catro netos
Secretaria de dirección
Concelleira independente en 1995, desembarcou no 99 no PP xunto a Trenco. Outra vez independente a partir do 2003, gobernou aliada co BNG de Angueira, ao que desbancou da alcaldía hai catro anos.
LA VOZ DE GALICIA, 06/05/11
Política
«Eu funlle moi fiel a Angueira; e a Maribel tamén».
Luis Ángel Sabariz, candidato da Agrupación Cidadá de Pontecesures, e membro do goberno.
O edil de Relacións Institucionais defende seu pacto con Castro e o PP
Tralo seu fugaz paso polo PSOE, Sabariz volve encabezar a Agrupación Cidadá de Pontecesures (ACP).
-¿Non son sete moitas listas para Pontecesures?
-Foi unha sorpresa motivada polas escisións do PP, que derivaron en dos listas máis. En Pontecesures non hai tanta inquedanza política. Semella que foi máis unha pelexa por ser cabeza de cartel.
-¿E non afectará a gobernabilidade?
-Pode motivar dificultades para formar goberno, pero tamén ten consecuencias positivas, como que haxa que consensuar as decisións. Nós xa temos experiencia en gobernar nestas circunstancias.
-¿Con quen gobernou mellor, con Angueira ou Castro?
-Con Angueira fixemos un moi bo traballo. Eu funlle moi fiel. Melloramos o colexio, o club náutico e moitas outras cousas. E a Maribel (Castro) tamén. Con Angueira xurdiron discrepancias e pasou o que pasou.
-¿Se hai catro anos, cando se presentou polo PSOE, Angueira non encabezara o BNG tería vostede gobernado cos nacionalistas?
-O problema era Angueira. En absoluto o BNG. E iso xa o dixemos no seu día.
-Valore estes catro anos de goberno.
-Sacamos boa nota. A pesares de que os tres concelleiros do PP estiveron o derradeiro ano e medio un pouco apartados da xestión do goberno.
-¿Cales son as súas propostas para estes comicios?
-Na situación económica que vivimos hai que facer o que se poida. Nós facemos unha defensa a ultranza do tren de proximidade. Queremos tamén mellorar o monte municipal e aproveitar as augas naturais que hai nel. Propoñemos seguir a facilitar a participación da xente nos plenos, porque cremos na transparencia na xestión e en que haxa garantías na selección do persoal, que se faga con publicidade e equidade.
-¿E cando fala ca xente pola rúa que sensación ten?
-Ben. O prognóstico era que este goberno durara tres meses, que fora unha catástrofe, e non foi así. Fixemos moitas cousas, como o campo de fútbol, a mellora da rúa Deputación, da Plazuela, do alumeado, o arranxo da zona de Porto e das instalacións deportivas, o desfile de Entroido ou a Festa do Churro. Pero a min me parece que no que si melloramos moito foi no mantemento. Hai máis limpeza e coidado das instalacións municipais.
-E falando de festas, ¿como vai a da Lamprea?
-Estase potenciando. En boa lóxica, haberá que tratar de dinamizala, porque é un dos sinais de identidade de Pontecesures ao que non podemos renunciar.
Luis Ángel Sabariz Rolán
4 de setembro de 1956, Vilagarcía
Funcionario da Administración local
Casado con tres fillos
Presentouse por primeira vez en 1999 como segundo da lista da ACP. Foi concelleiro e no 2003 encabezou esta lista, que tamén acadou representación. De 1999 a 2006 gobernou con Luis Álvarez Angueira (BNG). No 2007 presentouse co PSOE, do que foi expulsado por entrar a gobernar con Maribel Castro e o PP.
LA VOZ DE GALICIA, 05/05/11
Política
«Algúns levan moito vivindo da política e o traballo dos demais».
Rafael Randulfe encabeza a candidatura da API logo do «nomeamento a dedo no PP».
Randulfe lembra que foi o único cabeza de lista do PP elixido democraticamente
Randulfe vive unha paradoxal situación. Segue sendo o único voceiro coñecido que o PP ten no Concello de Pontecesures, aínda que encabeza unha candidatura rival, a da Agrupación Pontecesures Independente.
-¿Que o leva a liderar unha lista independente?
-O PP decidiu pola súa conta nomear a dedo un candidato. Nós, por respecto aos máis de 300 afiliados que hai aquí, dos cales a meirande parte son militantes porque eu llo pedín persoalmente, e por respecto á democracia decidimos que tiñamos que presentarnos. Eu fun o único candidato elixido democraticamente polos afiliados do PP, pero iso non parece importar. Se o PP pode facer o que quere e lle peta, nós tamén.
-Segue sendo vostede concelleiro polo PP.
-De momento non presentamos a dimisión. De feito, dos 11 membros da candidatura 6 son afiliados ao PP. Isto non sucede só aquí, senón en moitos lugares da provincia. O partido toma as decisións que cre oportunas. E nós tamén. Non hai problema.
-O PP fala de renovación.
-Deuse esa razón, pero nada máis. Nin un aviso previo, nin un debate. Non me preocupa nin me interesa onde estea o PP agora mesmo. A min paréceme moi ben a renovación. Hai algúns que levan moito tempo vivindo da política mentres os demais traballamos para eles, aportando xente para mítines e comidas. Moi ben, xa que viven disto poderían renovarse eles.
-O seu pacto de goberno levou á alcaldía á candidata menos votada. Foi moi criticado por iso.
-Na negociación esa era a única posibilidade de botar ao BNG. Pero non foi un capricho, contou con pleno consentimento da dirección do PP. Sempre se molesta o que perde, pero o mesmo sucedeu con Piñeiro Ares e tamén con Trenco. Non somos ningunha especie rara.
-¿E agora? ¿Chegaría a un acordo de goberno co BNG?
-Agora son independente e podemos facer o que queiramos. Tomaremos a decisión que máis lle interese ao pobo, e en segundo lugar a nós. Non descartamos a ninguén, nin sequera ao BNG. Pelexaremos voto por voto e casa por casa, igual que o resto. Os veciños deben pensar se queren votar á xente que coñece e quere traballar exclusivamente polos veciños ou a xente que vai apoiar a especuladores e só pensa en dedicacións exclusivas.
-¿Arrepíntese daquel acordo?
-Non, porque as decisións están motivadas por razóns, e este goberno foi positivo para Pontecesures. Investiuse un millón de euros por ano, máis que en calquera outro período, e fixéronse moitas cousas ben. Agora temos que centrarnos na loita contra o desemprego e nun proxecto de vivendas sociais realista.
Rafael Randulfe Vieites
3 de xuño de 1954, en Pontecesures
Funcionario municipal no propio Concello de Pontecesures
Divorciado, ten dous fillos
Candidato do PP á alcaldía no 2003, dimitiu por incompatibilidade. Encabezou de novo a lista conservadora no 2007 logo de ser elixido nun congreso extraordinario da súa formación, que con tres concelleiros é o grupo maioritario do goberno de coalición. ? tenente de alcalde e, de momento, o único voceiro popular no Concello.
LA VOZ DE GALICIA, 05/05/11
Política
«Ninguén quixo impoñer nada».
Seage lidera o PP.
Aínda que é a primeira vez que encabeza a lista do PP en Pontecesures, Vidal Seage militou hai anos en Novas Xeracións, sempre vencellado ao mundo do asociacionismo. O seu papel nestes comicios agónicos nace entre críticas ao seu nomeamento e unha fenda centrífuga na forza conservadora.
-Acúsano a vostede de ser un candidato imposto a dedo.
-Ninguén quixo impoñer nada. Dende o principio procuramos a unidade do partido, foi simplemente un proxecto de renovación no que cada un foi libre de subir ou non ao carro. Eu respecto a decisión de todo o mundo, pero houbo reunións dende o principio e diálogo permanente, dando sempre opcións.
-Pero o resultado son dúas listas que son cismas directos do PP. ¿Preocúpalle este feito?
-Claro que me preocupa, porque o todo sempre é máis que a suma das partes. Insisto en que eu chego porque a dirección pensa en min para atallar a perda paulatina de votos e a certa falta de liderado. Pero sempre fun partidario de arroupar a todo o mundo. Esta dispersión non pode beneficiar a ninguén.
-¿Cre que esta multiplicación de listas é negativa?
-Por un lado permite á cidadanía manifestar o seu apoio a un número determinado de opcións, pero tamén nos leva a que con pouco máis de cen votos obteñas un concelleiro e poidas condicionar a política municipal. Calquera asociación podería obter representación e actuar como grupo de presión. Neste sentido pode darse unha certa perversión da democracia.
-O que parece inevitable é un pacto postelectoral. ¿Estaría disposto a facelo co BNG?
-Resultaría bastante atractivo, porque a priori seremos as dúas forzas con máis apoio. Pero véxoo moi complicado, sería un pacto contra natura. O que si está claro é que falar de maiorías absolutas con sete candidaturas é utópico.
-¿Como ve Pontecesures?
-Magoada pola lacra do paro. Dende o meu punto de vista hai potencialidades sen explotar como a rota xacobea ou a tradición ligada ao automóbil antigo e aos valeeiros. Precisamos tamén un centro sociocultural.
Juan Manuel Vidal Seage
14 de agosto de 1970, en Padrón
Técnico de calidade
Casado, ten dous fillos
LA VOZ DE GALICIA, 05/05/11