O BNG rexeita unha iniciativa sobre o tren de cercanías porque excluía a Vilagarcía.

O BNG rexeitou no Parlamento galego a proposición de lei presentada polo PP sobre a implantación de trens de proximidade entre O Porriño-Vigo-Pontevedra; A Coruña-Ferrol e Ourense-O Carballiño por, sinalan, «non incluir a liña Santiago-Vilagarcía».

Para o BNG, unha conexión ferroviaria entre a capital de Galicia con Vilagarcía de Arousa debe ser prioritaria «polo número de usuarios que rexistra», en palabras de la diputada nacionalista Carme da Silva.

A parlamentaria do BNG acusou ós populares de «subirse ó carro» dunha vella reivindicación nacionalista respecto das necesidades ferroviarias galegas, pero entenden que «fixeron mal os deberes» e que demostran «oportunismo» por non aceptar a emenda do BNG incluíndo tamén a liña Santiago de Compostela-Vilagarcía de Arousa.

Da Silva lembrou que o PP «tivo a oportunidade de defender o transporte ferroviario de cercanías para Galicia en 2006, cando a Cámara galega acordou, cos votos en contra dos populares, iniciar as accións necesarias para a súa implantación».

A deputada ironizou tamén coa «coincidencia» de que o grupo popular rexistrara a iniciativa que se debateu onte no pleno «xusto no momento don que o BNG pareguntaba ao presidente Touriño, por este tipo de transporte».

DIARIO DE AROUSA, 01/11/07