Importante avaría de auga está mañá, que deixou sen servizo a moitos usuarios.

Sobre ás 6,15 horas, e por mor dunha zanxa aberta no día de onte por obreiros que están a realizar obras para dar servizos ó edificio promovido pola mercantil Mendotur en Redondo, veuse abaixo unha beirarrúa na praza de Pontevedra, destrozando a tubaría de auga e deixando sen subministro a moitos veciños de A Tarroeira, Redondo, rúa Carlés, Avda de Arousa, Porto, a marxe esquerda das rúas Portarraxoi, San Lois, Sagasta, Victor García….

Foi o 112 ó que avisou da gran cantidade de auga que había na estrada nacional.

O servizo quedou restablecido sobre ás 14,30 horas xa que foi necesario adquirir pezas en Santiago para efectuar o arranxo (un carrete inox de 200 de diámetro por 1.100 de lonxitude e dúas bridas especiais para a tubaría de de polietileno). A Policía Local personouse na zona para facer unha reportaxe fotográfica co fin de realizar a reclamación de daños á empresa causante. A beirarrúa desplomouse, posiblemente, por quedar aberta toda a noita a zanxa con bastante profundidade. Coas vibracións dos vehículo (sobre todo os pesados) pola N-550 toda a noite, a beirarrúa cedeu. Afortunadamente non pasaba ninguén por alí nesas horas.

Houbo, deste xeito, un suceso imprevisible de madrugada e esperamos que a pobación comprenda estas situacións difíciles que provocan importantes molestias a todos.