Benjamín Ramos e Elite Electricidad comparten o liderato na competición de fútbol veterán de Valga.

A segunda xornada do Campionato de Fútbol 7 de Veteráns de Valga despexou o múltiple empate na cabeza da clasificación que deixara a xornada inaugural, limitando o coliderato a dous equipos: o JLL/Benjamín Ramos e o Elite Electricidad.
O primeiro sumou a súa segunda victoria da tempada a costa da Palmeira, 2-0, mentres que o seu compañeiro no alto da táboa ligueira lle endosou un 3-1 ao Extrugasa.
Os outros marcadores da tempada foron: A Cacharela/Karymo P. 2-1 Cafetería Sol y Mar; A Casa Vella 0-1 Bar Muelle; Valdeza/Bar Juan 3-2 Desigual; e Transportes Veiga/Bar O Belén 0-0 A Redonda. O Joyería Riveiro exerceu de mesa.
Tras os dous colíderes sitúase terceiro na clasificación o A Cacharela, con 4 puntos. Con 3 figuran o Caf. Sol y Mar, Extrugasa, Valdeza e Bar Muelle. O Transportes Veiga é oitavo con 2 puntos, precedendo a A Redonda, Desigual e A Palmeira, cun. O Joyería Riveiro, cun partido menos como o A Redonda, inda non sabe o que é puntuar. Unha situación que comparte co A Casa Vella.
A terceira xornada ofrece estes partidos: Sol y Mar-JLL; A Palmeira-A Casa Vella; Desigual-A Cacharela; Bar Muelle-E. Electricidad; A Redonda-Valdeza; e Extrugasa-Joyería Riveiro.

LA VOZ DE GALICIA, 26/11/09