ENFRONTAMENTO ABSURDO(PARA SABARIZ E SOBREIRAS)
Esta foto debe ter ó redor de 40-45 anos. Tendes razón tanto un coma o outro. Non sei onde andarías nese tempo Sabariz, e aínda que eu non nacera, segundo me contan na PONTE, a ruta sempre viña ó noso lado, como se demostra nesa foto: viñan as autoridades da marina, bispos, alcaldes…etc. Non sei que interese vos ten decir que sempre foi o lado de San Lois ata que puxeron o pantalán na Ponte. Penso que sabedes de sobra que a xente da Ponte sempre tirou máis para ahí que para Padrón, e tamén creo que está de máis decir que o porto é de todos. Outra cousa é o pasotismo das autoridades de cada concello, que polo menos na banda que nos toca, téñeno desfeito e non fan nada por arranxalo. Onte non fun por alí, pero supoño que ante tal acontecemento(o do mechas este) o limparían un pouco…..ou ó mellor, nin eso.
En canto ó comentario que fixen e que parece que lle sentou mal ó sobreiras…o único que pretendía indicar era que coa corrente que baixaba estes días vía moi dificil que o conseguise. Eso sí, si xa saíu bastante na prensa o nome de Pontecesures…imaxinádevos que ó chegar a catoira ou a isorna quede atrapado no fango…
2 comentarios
cockydaponte · 5-01-2010 a las 10:52
E seguindo co enfrontamento, ahí tendes, atrevédevos a levarlle a contraria ó Tenente de Alcalde de Padrón:
http://www.tierrasdesantiago.com/index_3.php?idMenu=323&idNoticia=502709
Luis Angel Sabariz Rolán · 5-01-2010 a las 11:05
O primeiro remonte foi en 1.965 e, efectivamente, o barco das autoridades foi a Padrón (posiblemente a foto sexa desa edición). Estiveron Fraga coma Ministro de Información e Turismo e o cardenal Quiroga Palacios. Foron 175 barcos que atracaron en Padrón e Pontecesures. Por certo, eu, que son de Vilagarcía, viña nun barco, pero claro, tiña 8 anos. Nin idea do asunto dos desembarcos e por iso me documentei.
Ata 1978 non houbo a segunda edición, que continúa ata este ano ininterrumpidamente. Os barcos ían as dúas marxes. Houbo de todo, pero en xeral o barco das autoridades ía a Padrón, por razóns da tradición xacobea, e os outros a Pontecesures. Porén, por exemplo, en 1991 o barco das autoridades quedou no peirao cesureño. Lémbrome ben, porque viñan os reis de España.
Tampouco debemos armar unha guerra por isto. O bo «cockidaponte» é que haxa debate.
Un saúdo a todos.