“Tanto a educación como a familia fallan no tema da drogodependencia”.

Isorna diante dun dos símbolos de Catoira, as Torres do Oeste.

Manuel isorna folgar Técnico de prevención de drogodependencia.

Manuel Isorna traballa no concello de Catoira e noutros da comarca, como Pontecesures, con dous programas que informan en forman aos pais sobre a facilidade de que un mozo caia na drogodependencia.
-¿Cal é o obxectivo principal destes programas de axuda aos pais?
-Sempre se fala de que o que falla é a educación, pero os que traballamos nisto sabemos que non só falla isto, senón tamén a familia. Por este mesmo motivo queremos que os pais se involucren neste tema cos seus fillos e teñan a información necesaria para poder manexar este tema.
-¿En que consisten?
-Temos dous programas diferentes. Un é o chamado Escola para pais, nos que citamos aos pais arredor dunha vez ao mes nos concellos, e o outro, Na casa tamén, está pensado para chegar a eses pais que non poden vir ás charlas. Deixámoslles uns DVD sobre o tema para que, a medida que os van visionando, entendan os seus perigos.
-¿Comezan os mozos a iniciarse nas drogas demasiado cedo?
-Si. A falta de control por parte dos pais e a imaxe idílica que se quere transmitir do botellón, como que só é un lugar onde divertirse, fai que os mozos teñan a súa primeira relación co alcol, e outras drogas, polo xeral neste contexto. A partir de aquí pode comezar unha relación destrutiva axudada polo efecto do mimetismo, que fai que uns mozos copien os comportamentos dos outros e non se dean conta dos seus perigos.

LA VOZ DE GALICIA, 12/09/10