Programa electoral da ACP.
-Fomentar que os veciños que residen en Pontecesures estean empadroados.
-Ampliar o horario de atención ao público na Casa do Concello
-Comprometerse a que se abra unha quenda de rogos e preguntas do público ao remate dos plenos ordinarios.
-Darlle máis celeridade á xestión orzamentaria do Concello e aos pagos da institución.
-Potenciar as funcións e competencias da Policía Local.
-Garantir a publicidade e a transparencia na selección dos traballadores.
-Remodelar o edificio de Protección Civil e solicitar un novo vehiculo para a agrupación de voluntarios.
-Xestionar con Portos de Galicia o arranxo e ampliación do pantalán embarcadoiro do peirao.
-Potenciar a utilización das augas soterradas do monte municipal Salgueiras-Lagoa para abaratar o custo do subministro da auga da traída.
-Adoptar medidas de aforro enerxético na iluminación pública.
-Continuar coa rexeneración do monte municipal e instar á Xunta para que elabore o novo plan de ordenación do mesmo.
-Impulsar a creación de solo industrial na Tarroeira.
-Conveniar coa Deputación de Pontevedra a realización da obra de urbanización da Avda. dos Namorados de Porto.
-Xestionar con Augas de Galicia a execución da obra de saneamento integral do municipio para tratar todos os vertidos na EDAR.
-Poñer en marcha o servizo de recollida de lixo en Grobas-Fenteira, con periodicidade semanal.
-Desenvolver o polígono 10 do PXOM con rehabilitación do Muiño da Chancela e construción dunha zona de lecer entre Infesta e a Avda. de Vigo.
-Aprobar o inventario municipal de bens para defender as propiedades do concello.
-Acondicionar, anchear e instalar unha varanda de protección na rúa Miguéns Parrado na contorna da Igrexa Parroquial.
-Impulsar a obra de rehabilitación integral da zona portuaria.
-Potenciar o noso centro de saúde, para que contemos cun segundo médico e co servizo de pediatría.
-Xestionar coas administracións a construción de beirarrúas na Avda. de Arousa e arranxo das da N-550.
-Rematar as beirarrúas de rúa Ullán.
-Acondicionar a zona da canle inutilizada en Condide solucionando os problemas de salubridade.
-Continuar coas obras de ancheamento nos interiores de Porto, Toxa, Carreiras, San Xulián e nos demais lugares.
-Instar a que o Camiño Portugués sexa sinalizado polo trazado verdadeiro, é dicir, polo interior de Condide , polo Couto e por Carreiras.
-Estudar a posibilidade de ampliación do pavillón municipal para dar resposta ás demandas de maior utilización.
-Acondicionar os vestiarios do campo de fútbol.
-Xestionar a construción dun espazo para comedor escolar no CPI Pontecesures e crear o plan madruga en colaboración coa ANPA.
-Potenciar o servizo de asistencia a domicilio para as persoas discapacitadas e maiores.
-Organizar actividades de tempo libre para nenos e maiores.
-Organizar cursos de formación para desempregados.
-Continuar na potenciación das festas patronais, da festa da lamprea e da festa do churro.
-Utilizar puntualmente para outros usos o albergue de peregrinos nos períodos de ausencia de usuarios.
-Xestionar a incorporación da gardería de Pontecesures na rede de escolas infantís da Xunta de Galicia por razóns económicas e de funcionamento.
-Continuar a traballar para que o ferrocarril continúe en servizo pola vía actual, mantendo e potenciando o traxecto de cercanías Vilagarcía-Santiago.
10 comentarios
Caminante · 17-05-2011 a las 12:39
E añado eu; non sería máis doado colgar a este medio o programa electoral do PP ou de IP ( o partido de Maribel Antidebates) que van a ser os que vostede efusivamente vai a apoiar?
Digo máis que nada que para aforrar PALABRARIA BARATA, afán de protagonismo e sobre todo, aburrir aos lectores deste medio.
Descanse e vaía repartir votos polas casas.
Luis Angel Sabariz Rolán · 17-05-2011 a las 13:46
Xa o dis ti todo, «Caminante», e vexo que fas de futurólogo. Este medio é moi seguido (polas portas moitos veciños coméntanme que o consultan todos os días). Se fora aburrido non tería a enorme aceptación que ten.
Pola túa casa xa non vou, logo das túas afirmacións. A pesar do teu comentario, negativo coma sempre, hai que sacar a parte positiva: O incluírme en acordos para despois de 22 de maio, significa que vou ter representación. Algo é algo.
Caminante · 17-05-2011 a las 15:00
Por partes:
a) O medio, señor Sabariz, non é aburrido. Vostede é aburrido. Tanta presenza, día tras día, hora tras hora, aburre, cansa, motiva indiferenza hacia vostede. Eso evidentemente a vostede non llo din. A vostede, cando fala coas xentes polas ruas cóntanlle o que a vostede lle gosta de escoitar… e vostede marcha contento, feliz, enchido de satisfación… cuan equivocado está…
b) Futurólogo? Non señor Sabariz. Aos feitos me remito, ao 16 de xuño do 2007 me remito. E os feitos non foron outros que o de «untar» á señora Antidebates cunha suculenta dedicación exclusiva a cambio de Concello 24 horas e micro, que non se me esquenza o seu querido e inseparable micro.
c) Si home, tranquilo, eu creo que un saca o día 22. Pero ( sempre hai un pero para vostede) para face-lo tan ben, ser tan transparente a súa xestión, ter tantos apoios pola rúa coma di… como é que soamente vai a acadar UN concelleiro?
E non estou sendo futurólogo… vostede o sabe.
Ah, esmendréllese un pouco máis nas respostas. Non recurra sempre a tópicos e simplicidades.
Ah, e ainda non me contestou a que aspira, non crea que me esquecín.
Como diría o poeta: «se miente mas de la cuenta por falta de fantasía: también la (su) verdad se inventa». Saberá de quen é, supoño.
Decesures · 17-05-2011 a las 15:02
Paréceme un programa atractivo, se cadra con demasiadas tarefas non? O que está claro é que en Pontecesures é tempo de facer obras pequenas, pero necesarias e o que é máis importante que haxa unha figura firme e con decisión na Alcaldía.
Ánimo
manolo o do bombo · 18-05-2011 a las 14:12
EN 4 anos no fixeches ,e estos dias parcheando polas aldeas o que son os votiños,penso que a xente non sera tan ignorante e darase conta.
farto · 18-05-2011 a las 16:32
Adiante Sabariz. A xente empeza a decir que ti sempre das a cara, sobre todo cando hai problemas, non coma outros. E poucas promesas das de non cumplir, pois non hai carto. Ben, ti sigue así. O pobo estase dando conta que non estas tan tolo e que te preocupas.
A xente vai abrindo os ollos. Os Roques, Angueiras, Soutos, Seages e Randulfes pouco teñen que facer ante o teu traballo.
Adiante a votarte. Hai que dar oportunidades a quen se as merece. A nos convencichesnos con feitos, non con palabreria barata, coma o de antes.
Caminante · 18-05-2011 a las 18:49
Por alusións, «farto»:podesme pasar a numerar algúns dos feitos que mencionas?
Máis que nada por argumentar, sabes.
? moi sinxelo «soltar» unha frase grandilocuente e listo. E quedámonos tan contentos…
Previas grazas.
Castelao · 18-05-2011 a las 23:07
Eque é algo vergonzoso, que mais da metade de candidatos, e das forzas políticas existentes, leven candidatos que nin residen en pontecesures… pola miña parte nin pp nin o psoe levaran o meu voto, e tampouco o bng, que dentro da seriedade que soe ter en concellos exemplares, gobernados e por eles e recoñecidos dentro da comunidade como boiro, ou allariz con grandes proxectos, poida levar a angueira en pontecesures como candidato, a min non me parece un bo candidato a alcaldia de pontecesures… non é por ofender a ninguen pero é o que me parece con outro candidato serio, si o chegaria a levar.
papagos · 19-05-2011 a las 10:21
Está moi ben que colgues o teu programa Sabaríz, pero estaría moi ben tamén que colgases ós dos outros. En calquera caso a xente a estas alturas xa ten decidido o seu voto. Por certo, seguidores do Sr Sabaríz como «farto» dín cousas como: «O pobo estase dando conta que non estas tan tolo …».
Luis Angel Sabariz Rolán · 19-05-2011 a las 14:30
Eu fago entradas con todo tipo de novas das outras formacións políticas e nunca tiven favoritismos á hora da publicación das mesmas. Agora ben; tampouco vou cargar coa obriga de teclear os programas de todos. Hai que entendelo.
A ACP tan tamén ten seguidores «papagos». ? o normal. E temos boas sensacións.