Mais mans no río contra os porcos.

OS GALEGOS adoitamos a vivir coa choiva boa parte do ano, pero de seguro que todos coincidimos en calificar de traxedia o sucedido días atrás en Andalucía e Murcia. As enchentas non respetaron nada, nin sequera as vidas humanas.
Semella que eso aquí nunca sucederá, pero sen ser moi vello �??ou eso penso�?? aínda lembro aqueles asolagamentos que padecía Padrón un ano sí e outro tamén. Os veciños se movían en barca polo pobo. Agora teñen un río canalizado que incluso pode presumir dunha limpeza antes do inverno. Como cambiou o conto.

E sí que cambiou. Moitos voluntarios perden horas do seu tempo libre limpando os ríos, deberían atopar só ramallada, herbas e pouco máis, pero pelexan con lavadoras, pezas de coches, neumáticos, plásticos e un feixe ben grande de porquería de todo tipo.

Está claro. Presumimos de vivir na terra dos mil ríos, hinchamos o peito para falar ben da nosa paisaxe, estamos orgullosos das nosas rías, enchemos a boca falando do mellor marisco do mundo. E despois emporcallamos os nosos ríos e os nosos mares.

O coidado do medio ambiente é cousa nosa. De ninguén máis. Os ríos habería que limpalos só da ramallada que leva a auga e non atopar cousas raras. Non pode ser. Vai en contra nosa.

A limpeza dos ríos axudará a evitar enchentas perigosas como as que se viron non hai moitos días, pero tamén son fundamentais para que os cauces cheguen cristalinos ás rías e aportar a auga dulce necesaria para que o grado de salinidade sexa perfecto para facer dos nosos mariscos os mellores do mundo.

Lamentablemente non é así. Verquidos como o acontecido en Pontecesures hai ben pouco cando unha empresa lavaba os seus camións á beira do río, ó que envorcaba a espuma, amosan ben ás claras a nosa irresponsabilidade.

Semella que estamos contentos así, que queremos ter uns ríos e unha costa chea de merda. Non hai moito a ría de Arousa recibía cerca de medio cento de verquidos diarios, moitos deles procedentes dos ríos. ¿Tan difícil será seguir o cauce e ver que tuberías van dar a donde non deben?

Claro que de ser así, ¿qué carallo ían facer os pobres voluntarios na fin de semana se donde mellor están é no río?

Se hai xustiza, aquel que tirou a lavadora debería coller unha boa cagarría cando coma ameixas ou berberechos, contaminados en boa parte por culpa da súa irresponsabilidade. Pero as cousas son como son e de momento fan falla máis mans para limpar os ríos e defendelos de tantos porcos sen escrúpulos que semellan non querer nin sequera á súa terra.

Columna «Cousas do demo». Víctor Furelos

EL CORREO GALLEGO, 07/10/12