I Ruta BTT Valga
O Trisquel Club Ciclista organizou este pasado 17 de novembro, unha novedosa e divertida ruta de BTT, ruta esta que contou ca colaboración do Concello de Valga, de protección civil de Valga, da Deputación de Pontevedra e distintas empresas patrocinadoras da comarca.
A esta I RUTA BTT VALGA asistiron 250 participantes, que tomaron a saída dende o pavillón municipal de Beiro en Cordeiro ás 09:40h para realizar un percorrido de 38 km moi rompe pernas, con continuas subidas e baixadas polos montes de Outeiro, Vilar, Cordeiro, Setecoros, Eirexe e Cerneiras. O primeiro participante rematouna ás12:03 h.
O evento asistiron distintos Clubs e afeccionados de toda Galicia, entre os que se encontraba a actual campiona do open de España de cross Country 2013 Lucía Váquez.
Logo tódolos participantes e asistentes puideron desfrutar duns pinchos ao mesmo tempo que se sorteaban entre todos eles uns agasallos doados por dintintas casas comercias.
Dende O Trisquel CC queremos unha vez máis agradecer a colaboración das distintas casas comercias, de todas as persoas que colaboraron no marcado do percorrido, das que estiveron axudando durante a ruta, a protección civil e ao Concello de Valga, pola súa inestimable colaboración.
Dada a grande cantidade de felicitacións recibidas por parte de participantes e asistentes, sen todos eles, colaboradores e participantes, este éxito no que se convertiu esta I Ruta BTT de Valga non sería posible.
Enlace fotos:
0 comentarios