A Casa de Rosalía festexa a recepción do valioso arquivo da familia Baltar, con cartas inéditas.
A Casa de Rosalía, no concello padronés, celebrou onte o acto de recepción oficial do arquivo Ramón Baltar Feijóo e Ernesto Baltar Santaló, un fondo documental de primeira magnitude que regresa así a Galicia e a Padrón. Inclúe correspondencia, moita dela inédita, de importantes persoeiros da historia galega, como Rosalía de Castro, Murguía, Castelao, Alfredo Brañas, Pérez Lugín e da Real Academia Galega, entre outros.
O acto contou coa presenza, entre outros, do presidente da Fundación Rosalía de Castro, Anxo Angueira, do alcalde de Padrón, Antonio Fernández, e do conselleiro de Cultura, Román Rodríguez, quen salientou a «xenerosidade» de Dolores, Jacobo e Ernesto Baltar García-Peñuela -fillos de Ramón Baltar Feijóo- ao depositar estes fondos na fundación e, con elo, que se poidan estudar, difundir e dixitalizar para garantía da súa conservación. A fundación comprometeuse a crear un espazo dentro da Casa de Rosalía para o fondo.
La Voz de Galicia
0 comentarios