Os socialistas expuxeron no pleno as queixas de veciños/as de San Xulián.

rexjio · 6-06-2017 a las 22:40

Mágoa que Sabariz non se implique tanto contra o goberno actual como co anterior, e poidamos ver as súas incribles reportaxes gráficas… ayy, esa hipocresía

Luis Ángel Sabariz Rolán · 7-06-2017 a las 15:03

O 13/06/15 deixei de ser concelleiro despois de 16 anos. A partires desa data publiquei algunhas notas ligadas á miña xestión anterior, e outras sobre asuntos puntuais ou sobre a defensa do ferrocarril en Pontecesures e comarca pola implicación que teño neste tema.

O que estivera tantos anos na corporación non significa que teña a obriga de estar por vida pendente de necesidades ou deficiencias no municipio. Son un veciño máis e teño as miñas opinións e valoracións, como as pode ter calquera, sobre os labores do goberno e da oposición. Por suposto, non son o cronista oficial da vila.

Os que teñen que denunciar as deficiencias son os concelleiros/as da oposición. �? un dos cometidos que teñen. Ao se presentar ás eleccións locais e tomar posesión como concelleiro/a adquírese o compromiso de traballar para mellorar o municipio e isto obriga tanto aos integrantes do goberno como aos da oposición, cada un no seu papel. Son as regras da democracia.

Para rematar; dicir que xa fixen o meu labor no concello e non estou disposto a respostar agora a comentarios irrespectuosos que tratan de que sexa obxecto de debate . Xestionei o que puiden e debatín onde e cando tiña que facelo. Agora son un exconcelleiro, como outros. Máis nada.