curso

Eleccións na ANPA do CPI Pontecesures.

A ANPA “Infesta” do colexio ven de anunciar o proceso electoral para elixir os membros da xunta directiva da asociación, unha vez trascorridos dous anos dende o anterior proceso.
Teñen dereito a seren elexidos ou elixibles todos os socios/as da ANPA que teñen pagada a cota do curso 2011/2012 antes o 31/10/11.
O mércores 18 de abril, de 17:30 a 20:00 horas na biblioteca do centro, poderán presentarse os candidatos sendo imprescindible identifcarse co DNI e acreditar o recibo de pago da cota social.
A lista de candidatos estará exposta na propia biblioteca entrre os días 19 de abril e 3 de maio, ámbolos dous inclusive.
O venres, serán elixidos na biblioteca do centro os 7 membros da xunta directiva mediante votación en listas abertas. Se só hai 7 candidatos (ou menos) quedará constituída a xunta de xeito automática sen necesidade de votación.

Tamén hai que dicir que o propio 4 de maio, despois da elección, terá lugar, ás 20:30 horas, unha asemblea de socios coa seguinte orde do día:
1. Acta anterior.
2. Presentación da nova xunta directiva.
3. Rogos e preguntas

Por Luis Angel Sabariz Rolán, fai

O proxecto de formación de persoas adultas do Concello de Pontecesures acada a máxima subvención da Consellería de Educación por ser un dos mellor valorados.

 

O Proxecto de Formación de persoas adultas do Concello de Pontecesures, entre os mellor valorados, acada a subvención máxima da Consellería de Cultura, Educación e Ordenación Universitaria

A Subdirección Xeral de Aprendizaxe Permanente e Ensinanzas de Réxime Especial fixo pública a proposta de Resolución das Subvencións para a realiza­ción de actividades de formación de adultos durante o ano 2012

Os cursos de Educación de persoas adultas que organiza o Concello de Pontecesures desde o ano 1995 contan cun elevado número de participantes e cun moi elevado índice de aprobados. A  avaliación do proxecto presentado polo Concello na actual convocatoria obtivo 87 puntos  -figurando no nº 13 das 51 propostas- o que lle outorga a subvención máxima establecida na  convocatoria, 6.000?. O actual curso 2011/2012 iniciouse con 27 alumnos e alumnas, a maioría do noso Concello, o pasado mes de setembro, asumindo o Concello os custos deste primeiro cuadrimestre, cuxa realización permite que o alumnado de Pontecesures obteña tan bos resultados nas probas (a media de aprobados dos últimos anos é dun 80% entre os alumnos propostos para as probas oficiais) xunto coa calidade profesional e dedicación da mestra que imparte as clases.

A Actividade formativa dirixida ás persoas adultas para a preparación das probas de obtención do título de graduado en Educación Secundaria mediante a presentación ás probas extraor­dinarias que convoca anualmente a Dirección Xeral de Educación, Formación Profesional e Innovación Educativa mediante a matriculación do alumnado na modalidade a distancia da Educación Secundaria de persoas Adultas realízase en coordinación co centro de Educación Permanente de Adultos de Pontevedra.

O Concelleiro delegado da área e Alcalde en funcións Roque Araujo quixo, así mesmo desexar sorte aos alumnos e alumnas que na vindeira semana concorren ás probas oficiais, e lembrou a importancia e interese desta actividade que permite acadar a titulación educativa básica, imprescindible para a inserción laboral, a aqueles   veciños e veciñas que, por diversos motivos carecen da mesma.

 

Por CONCELLO DE PONTECESURES, fai

Apertura do prazo de reserva de praza e preinscrición da Escola Infantil Municipal de Pontecesures. Curso 2012/2013.

ESCOLA INFANTIL MUNICIPAL

RESERVA DE PRAZAS CURSO 2012/2013

Informase aos veciños e veciñas que  o prazo de preinscrición na Escola Infantil Municipal ??Gardería- para a reserva de praza dos alumnos/as e  a solicitude de novas prazas de cara ao vindeiro curso escolar 2012/2013 ??a partir de setembro- estará aberto do 2 ao 16 de abril,

A EIM ten un horario de 8 da mañá a 8 da tarde de luns a venres, tódolos meses do ano, está situada na Rúa Avelino Pousa Antelo, en fronte do CPI ??Infesta? e conta cunhas modernas instalacións e equipamentos, e o seu persoal proporciona aos nenos e nenas que acoden a ela as atencións e coidados necesarios para promover o seu desenvolvemento harmónico e integral. Conta co Servizo de Comedor, no que os nenos e nenas teñen ao seu dispor unha dieta san e equilibrada, axeitada a cada idade.

Para acceder á EIM é requisito que os nenos/as teñan entre 3 meses e 3 anos de idade e que abonen as taxas que lles correspondan, tendo preferencia os e as domiciliados en Pontecesures.

As solicitudes de reserva de praza para nenos e nenas que xa acoden á EIM presentaranse directamente na Escola Infantil Municipal (Tel. 986557623).

Para máis Información e presentación de solicitudes de preinscrición para alumnos/as novos/as  poden dirixirse ao Servizo Social Comunitario deste Concello os luns, martes e venres de 9 a 13:30 horas.

Premendo no seguinte enlace podense descargar os formularios de reserva de praza (nenos/as que xa acoden á EIM) e o de preinscrición (novas prazas):

http://www.pontecesures.org/vernoticia.asp?id=326

Por CONCELLO DE PONTECESURES, fai

Nota da ACP sobre a ximnasia de adultos 2011/2012

Con sorpresa e certo malestar recibiron hai uns días as mulleres que están a asistir ás clases de ximnasia de adultos en Pontecesures organizadas polo concello a nova de que o 30 de abril de 2012 rematarían xa as clases neste curso 2011/2012. Resultaba contradictorio que precisaamente nesta tempada na que o goberno local aprobou un prezo mensual a pagar pola asistencia ás clases de ximnasia, se eliminase a actividade sen rematar o curso.

Exteriorizaron a súa queixa as interesadas diante do concelleiro de deportes e servizos sociais, Roque Araújo, nunha xuntanza que tivo lugar na Casa do Concello e, ao parecer, as clases continuarán un mes máis.

Dende a ACP criticamos esta improvisación e falla de planificación nestes temas dun goberno local que coñecía o problema dende hai tempo. Púdose resolver esta situación sen necesidade de chegar a provocar as queixas do grupo de mulleres e a estrañeza da propia monitora, contratada polo concello, polo feito de non rematar o curso como nos últimos anos. Parece que volta de novo a actitude da reacción a “toque de cornetín” do goberno local ante os problemas.

Pontecesures, 31/03/12

Luis Ángel Sabariz Rolán
Concelleiro da ACP Pontecesures

Por Luis Angel Sabariz Rolán, fai

Padrón forma a treinta personas para obtener el título de graduado de Enseñanza Secundaria.

El curso de graduado de ESO en Padrón está teniendo este año un gran éxito (llevan 15 años realizándolo) ya que cuenta con la asistencia de una treintena de alumnos. Las clases cofinanciadas por la Xunta, a través de la Consellería de Educación, se imparten en el centro social por la noche. Los interesados en asistir al examen oficial convocado para abril deberán anotarse antes del 30 de este mes.

TIERRAS DE SANTIAGO, 27/03/12

Por Luis Angel Sabariz Rolán, fai