Nos medios de comunicación de hoxe, 26 de marzo, aparecen unhas afirmacións do concelleiro de educación de Pontecesures, Roque Araújo, relacionadas coa denuncia pública realizada por este concelleiro polo lamentable estado de conservación do muro perimetral de peche do CPI Pontecesures, (tramos caídos, varillas oxidadas soltas con perigo para os nenos, maleza que invade a malla, etc…).
Pois ben; desexo matizar o seguinte:
1. O Sr. Araújo nos fala que as deficiencias denunciadas son cuestión de “rutina” do “día a día”. Nada máis lonxe da realidade: son deficiencias que xa levan meses sen reparar con riscos para os alumnos e con vergoña de todos. Ademais bastantes pais e nais de alumnos trasladaron a este concelleiro as queixas ante a inoperatividade habitual do goberno local para resolver estes asuntos.
2. Trata o concelleiro de educación de desacreditarme considerando nada menos que enfermizo denunciar estas graves deficiencias. Pois teño que dicirlle que, precisamente, facer este tipo de informacións é fundamental nas tarefas de oposición de todos os concellos co fin de que os gobernos municipais resolvan os asuntos.
3. Soportan mal o Sr. Araújo e o goberno local o labor de oposición. Pois a miña obriga é seguir realizando as funcións de concelleiro como integrante da oposición (así o decidiron os veciños cando me presentei ás derradeiras eleccións) en beneficio de Pontecesures e da súa veciñanza a pesar de que fun afastado das comisións informativas por un goberno que non conta coa oposición para nada. Así o decidiron os veciños cando me presentei ás derradeiras eleccións
4. En lugar de descualificarme o Sr. Araújo o que ten que facer e xestionar o arranxo do muro do colexio para que se repare canto antes. Para iso cobra unha retribución todos os meses que lle pagamos todos os cesureños. Moitos dos veciños non entendemos que teñamos, por primeira vez na historia de Pontecesures, un concelleiro de educación con dedicación exclusiva. E se por enriba pasan estas cousas, moito menos.
Pontecesures, 26/03/13
Luis Ángel Sabariz Rolán
Concelleiro da ACP Pontecesures
