Cesures e a súa cor especial.

Os hostaleiros celebraron a súa particular Feira de Abril ó son da música andaluza e con sabor a manzanilla.

A zona portuaria de Pontecesures encheuse de cores o pasado sábado día 19 para celebrar unha Feira de Abril un pouco pasado por auga pero na que non faltou a alegría, imprescindible nesta festa. Os vestidos de «faralaes» triunfaron entre os veciños da vila, que bailaron ó son das sevillanas e demostraron a «arte andaluza» que corre polas súas venas a pesar de vivir no norte da península. A segunda edición deste evento, organizado pola asociación de hostaleiros, foi todo un éxito de participación e incluso os coches de cabalos se uniron á cita percorreron algunhas das rúas. E para animarse e quentar o corpo, nada mellor ca un «rebujito» e uns vasiños de manzanilla.

Os cesureños sacaron o abanico, os sombreiros e os traxes de lunares.
Non todo ía ser lamprea en Pontecesures, e por iso os hostaleiros decidiron celebrar a súa particular versión da Feira de Abril sevillana. Varios grupos musicais encargáronse de levar á beira do Ulla os sons andaluces, mentres que os humoristas se reencarnaban en Isabel Pantoja e o seu amado prisioneiro Julián Muñoz. Os bailes e as risas estiveron asegurados.

Especial «O Salnés Siradella». DIARIO DE AROUSA 27/04/08