Festa da Bicicleta 2008 no Concello de Pontecesures.

Celebrarase o sábado día 6 de setembro. A concentración dos participantes será na Plazuela ás 17:00 horas e a saída dos ciclistas terá lugar ás 17:30 horas dende o mesmo lugar. O percorrido será de 11,5 quilómetros.
Será obligatorio o uso do casco e no percorrido dos maiores a idade mínima será de seis anos.
Haberá trofeos para o participante de máis idade, para a bicicleta máis original e para a familia con maior número de membros que participe no evento.
Tamén haberá sorteos de diverso material deportivo e dunha bicicleta entre tódolos participantes.
O goberno local fai un chamamento ós veciños de tódalas idades para que participen nesta vistosa concentración co fin de fomentar a práctica deportiva e o uso da bicicleta.
O acto está organizado pola Deputación Provincial de Pontevedra e polo Concello de Pontecesures.