Pontecesures tendrá energía solar y gimnasio con un taller de empleo.

Luis Angel Sabariz Rolán · 4-11-2009 a las 22:26

Xa dixen varias veces que non conduce a nada manter discusión xurídicas neste medio, «Un chien andalous». �? evidente o que dis do Estatuto Básico do Empregado Público en canto á composición dos tribunais. Pero dende Traballo en Vigo nos dixeron que neste caso da selección de persoal en formación, con sondaxes previos das oficiñas de emprego, hai normativa sectorial e resulta dubidoso que se aplique taxativamente o EBEP. De feito informáronnos que hai concellos que designan políticos para representalos nos grupos de traballo mixto, e que a Xunta admite as dúas modalidades. Levei unha certa sorpresa, pero recoñezo que nin consultei a lexislación nin analicei xuridicamente o tema. ¿Sabes por que?. Porque tiña claro, clarísimo, que os representantes do Concello de Pontecesures non ían ser políticos. Creo que é o mellor para todos e así o expusen sempre na oposición ou no goberno. Ogallá as prácticas do alcalde anterior en canto á selección do persoal queden erradicadas para sempre.

Luis Angel Sabariz Rolán · 5-11-2009 a las 23:08

Pinchas en oso, «licántropo». Levo xa bastantes anos na corporación e esas prácticas do pasado non van conmigo.
Confío totalmente nas persoas designadas polo concello e pola administración autonómica, e teño que dicir que, como fixen sempre, estarei á marxe da selección. O teu comentario constitúe, incluso, unha falla de respecto aos numerosos aspirantes que imos ter. Nestes tempos de crise e de necesidades básicas para moita xente, introducir dúbidas e acusacións de corrupción con toda intención do mundo de facer política, é dunha mala persoa.

Mira home:
1.A primeira hora desta mañá en que o técnico de emprego estaba en Vigo nunha reunión de traballo sobre o obradoiro, estivo moita xente á Casa do Concello para realizar á inscrición. �? certo que eu informei a máis dunha persoa sobre a convocatoria e que a unha delas, con evidentes problemas para escribir na ficha, cubrínlla cos seus datos, e deixeilla coa súa sinatura na mesa do técnico de emprego, que voltou a media maña.
2.�? certo que a media mañá a outra persoa se lle dixo, por min e polo técnico de emprego, que como non residía en Pontecesures tiña poucas posibilidades de seren seleccionada, pois segundo a normativa, teñen prioridade os do noso concello. Quería renunciar xa, pero tamén lle dixemos que tiña todo o dereito a presentar a instancia polo que poidera pasar. Así o fixo.
3.Non é certo que se lle dixera que non se anotara porque había moita xente. Isto non llo dixen eu a ninguén, nin na Casa do Concello nin en outro sitio.

Aquí non hai decidido nada, «licántropo». Todos temos amigos, todos temos coñecidos. O único certo é que 33 serán seleccionados, e moitísimos máis non serán seleccionados. Os primeiros estarán contentos e os segundos disgustados. �? a vida.
Como político a miña función e informar na precura de que todos teñan as mesmas posibilidades, de que haxa transparencia, de que se cumpra a normativa e de non participar para nada na selección. Ese é o meu compromiso. Para iso son concelleiro e para iso xurei o cargo cando tomei posesión no pleno como órgano representativo por excelencia dos veciños de Pontecesures.

Luis Angel Sabariz Rolán · 8-11-2009 a las 00:51

O que incumpriu o compromiso no obradoiro de 2007, «proteston», foi o alcalde anterior. Votamos a favor no pleno co seu compromiso de que estivera representada a oposición no órgano de selección. Non cumpriu, como en tantas cousas, e pasou totalmente do que anunciou no pleno.
Que se lle diga a todos os posibles aspirantes que se presenten, paréceme o máis normal do mundo (tamén hai anuncios nos taboleiros, escritos aos domicilios e información na prensa). ¿Que alguén promete a algunhas persoas que van entrar?. Non me preocupa en absoluto. Alá cada quen coa súa postura. Eu, dende logo, nunca fixen iso, no tempo que levo de concelleiro. Confío plenamente no tribunal de selección e non teño ningunha función no mesmo.
Ogallá que os elixidos sexan os que máis o necesiten, os que teñan máis gañas de aprender coma alumnos, e de traballar como obreiros.

Parece, «estudiante», (ou «bngpontecesures», pois utilizas ás veces tamén ese alcume) que non che sentou ben o logro do obradoiro, e comezas a poñer en cuestión todo. Os escándalos na selección de persoal por parte do concello (amiguismos, eleccións a dedo, ascensos sen procedemento, etc..) xa quedaron superados coa saída do anterior alcalde. Respectemos o labor do grupo de traballo mixto.