Valga participará na Mostra do Patrimonio Inmaterial en Ourense.

A cita é na Praza Maior ourensá e ata alí levarán unha mostra sobre o proceso de elaboración do pan de trigo, unha actividade que vén celebrándose no municipio desde hai tres anos coa participación de asociaións de maiores e discapacitados ademais dos escolares.
A participación de Valga comezará o día 10 de novembro coa exposición dunha selección de fotografías da sementeira, a recolleita, a malla e a moenda do trigo. O sábado 14 de novembro trasladaranse os veciños para facer unha representación da malla. Acudirán os malladores cos seus manles, as pandereteiras para cantar coplas e un grupo de maiores.

DIARIO DE PONTEVEDRA, 04/11/09