O JLL/Benjamín Ramos aproveita a xornada de descanso do Palmeira no torneo de Valga.

A xornada de descanso do Palmeira foi aproveitada o pasado domingo polo JLL/Benjamín Ramos para ampliar a súa vantaxe á fronte da clasificación do Campionato de Fútbol 7 de Veteráns de Valga. O líder fíxolle de paso un favor ao seu inmediato perseguidor, ao privar cun 1-3 ao Cacharela/Karymo P. de tres puntos que o terían aupado á segunda praza da táboa. O Cafetería Sol y Mar, cun empate a uns co Mar Muelle, situouse terceiro por debaixo do Palmeira.
A oitava xornada da liga valguesa deixou estoutros resultados: Joyería Riveiro 0-2 A Redonda; Elite Electricidad 0-0 Transportes Veiga/Bar O Belén; Extrugasa 1-0 Desigual; e A Casa Vella 1-3 Valdeza.
Con estes marcadores, a clasificación queda do seguinte xeito: 1º JLL/Benjamín Ramos (22 puntos), 2º A Palmeira (16 puntos e un partido menos); 3º Cafetería Sol y Mar (14); 4º A Redonda (14 e un partido menos); 5º A Cacharela/Karymo P. (14 e un menos); 6º Bar Muelle (11 e un menos); 7º Transportes Veiga/Bar O Belén (10 e un menos); 8º Desigual (7 puntos); 9º Joyería Riveiro (7 e un partido menos); 10º Elite Electricidad (7); 11º Extrugasa (6 puntos e un partido menos); 12º Valdeza/Bar Juan (6 e un menos) e 13º A Casa Vella (1).
A novena xornada ofrece este domingo os seguintes encontros: Trans. Veiga-J. Riveiro; A Redonda-Extrugasa; Valdeza-E. Electricidad; Desigual-Bar Muelle; A Casa Vella-A Cacharela; e A Palmeira-Cafetería Sol y Mar. Descansa o líder.

LA VOZ DE GALICIA, 06/01/10