As Anpas de Catoira, Valga e Cesures presentan o Certame das Letras.

O alumnado de Primaria poderá presentarse a un concurso de redacción, mentres que o da ESO elaborará o cartel.

As Anpas dos colexios públicos de Baño, Cordeiro, Catoria e Pontecesures celebrarán conxuntamente en maio o Certame Intercentros Letras Galegas 2010.
Consistirá na presentación por parte dos nenos de redaccións, poemas ou contos en galego, sendo o tema libre. Os participantes serán os escolares de 3º, 4º, 5º e 6º de primaria.
A asociación anfitriona será a de Pontecesures polo que esta ano, a maiores, convoca un concurso de debuxo para os nenos de infantil e do primeiro ciclo de primaria co tema “Cesures no Camiño”.
Os materais son libres, polo que se poderán utilizar, entre outros, ceras, pintura, plastilina, barro, etc…
Oa alumnos da ESO poderán presentarse ao Certame Intercentros Letras Galegas 2010, no que poderán achegar un debuxo, collage, ou empregar novas tecnoloxías. O cartel gañador servirá para presentar dito certame.
Os traballos realizaranse no colexio, coa axuda dos mestres, polo que os integrantes da ANPA agradecen a colaboración de profesores e directores. Asi mesmo, fan un chamamento á participación dos escolares.
A ANPA cesureña continuará informando puntualmente sobre estes certames, incluída a entrega de premios que terá lugar en Pontecesures en maio.
Os detalles sobre este acto farnse públicos dentro de pouco tempo, aínda que xa se asiantou o convite a través da páxina web www.pontecesures.net para informar a todos os veciños e participantes que desexen tomar parte nesta iniciativa cultural con motivo do 17 de maio.

DIARIO DE PONTEVEDRA, 14/04/10